ABŞ və SSRİ arasında gərginliyin azaldılması siyasətinin müəlliflərindən biri olan Henri Kissincer bəyan edib ki, Amerika Birləşmiş Ştatları (ABŞ) və Çin arasındakı «soyuq müharibə»dən narahatlıq keçirir. Eks-dövlət katibi xəbərdarlıq edib ki, dünyada Birinci Dünya Müharibəsi dövründəkinə oxşar situasiya yaranır.
ABŞ və Çin geopolitik qarşıdurmanın hüdudlarını müəyyən etməlidirlər, əks halda dünya Birinci Dünya Müharibəsindən əvvəlki vəziyyətə düşəcək.
«Bloomberq»in xəbər verdiyi kimi, bu barədə ABŞ-ın eks-dövlət katibi Nyu-York İqtisadi klubunun təşkil etdiyi virtual diskusiyanın gedişində bəyan edib. Vaşinqton və Pekin «oyun qaydaları» barədə razılığa gəlməli və bu qaydalara əməl etməlidirlər.
«Siz, deyə bilərsiniz ki, bu, tamamilə mümkün deyil. Amma əgər bu, tamamilə mümkün deyilsə, biz, Birinci Dünya Müharibəsi situasiyasına düşəcəyik» - Kissincer bəyan edib.
Eks-dövlət katibi qeyd edib ki, Çin və ABŞ arasında gedən yeni «soyuq müharibə»dən getdikcə daha çox narahat olur. Bu münaqişənin meydana çıxmasını o, geopolitik landşaftı dəyişən yeni texnologiyaların ortaya çıxması ilə izah edib. Kissincer hesab edir ki, müasir dünyada Amerikaya yeni düşüncə tərzi və anlamaq lazımdır: «Dünya bunun üçün həddindən artıq mürəkkəbdir ki, bir ölkə iqtisadiyyatda və strateji sferada hegemonluğu əlində saxlasın».
Kissincer dəfələrlə Vaşinqtonu qeyd-şərtsiz hegemonluq siyasətindən imtina etməyə çağırıb.
2017-ci ilin iyununda o, Sergey Lavrovla görüşü zamanı bəyan edib ki, ABŞ dünyada dominant mövqe qurmaq istəyir, Rusiya isə öz maraqlarını müdafiə edir.
AzPolitika.info
Şərhlər
Rusiya,babuskalarin,pensiyasini ve onun metbex,ayaqyolu seraitini yaxsilasdirsin.Babuskalar 2-ci Dunya muharibesinde hem doyusub,hemde canindan sovet esgerlerini qidalandirib.Babuska gece-gunuz is basinda olub,indi onun dincelmek vaxtidir,pisiyninde menyusunda,heftede hec olmasa bir defe kilki vere bilsin...,