Qondarma rejimin başçısı Putinə yalvarır - Rusiyanı aprel döyüşlərindəki kimi davranmağa çağırıb

Qondarma “DQR”-in başçısı Araik Arutunyan Rusiya Prezidenti Vladimir Putinə açıq məktubla müraciət edərək, yalvarıb.

“AzPolitika.info” xəbər verir ki, yalan, böhtan və ziddiyyətli məlumatlarla dolu olan məktubda Putindən guya Qarabağda Azərbaycan ordusunun tərəfindən ermənilərin məhv edilməsini dayandırımağı xahiş edib.

A.Arutunyan cızma-qarasında Putinin müharibəni dayandırmasını və siyasi proseslərin davam etdirilməsi üçün əlindən gələni etməsini istəyib. Qondarma rejimin başçısı yenə utanıb-qızarmadan Azərbaycan mədəniyyətinin beşiyi olan Şuşanı ermənilərin hələ 19-cu əsrdən “inzibati və siyasi mərkəzi” adlandırıb.

Daha sonra qondarma qurumun başçısı hətta qeyd edib ki, guya Azərbaycanın 1980-90-cı illərdə Dağlıq Qarabağda apardığı “etnik təmizləmələr” nəticəsində böyük sayda erməni Dağlıq Qarabağdan Rusiyaya qaçıb. Hansı ki, əslində həmin illərdən etibarən Dağlıq Qarabağ ermənilər tərəfindən havadarlarının sayəsində işğal edilib və əksinə, 1 milyona yaxın azərbaycanlı Qarabağı və ətraf rayonları tərk etməli olub.

Cəfəngiyyatla dolu məktubun sonunda Putinə Rusiyanın Qarabağdakı döyüşlərlə bağlı 1994-cü ildə və 2016-cı ilin aprelindəki rolu xatırladılır. Və terrorçu rejimin başçısı Moskvadan bir daha eyni rolu oynamasını xahiş edərək, yalvarır.

Tahir

“AzPolitika.info”