Rəsmi Moskva Bakının Mi-24 helikopterinin vurulması ilə bağlı məsələdə öz təqsirini dərhal etiraf etməsini müsbət qiymətləndirir.
“Report” xəbər verir ki, bu barədə Rusiya Federasiyasının Xarici İşlər Nazirliyindən bildirilib.
Rusiya XİN Azərbaycan tərəfinin bu hadisə ilə bağlı operativ araşdırma aparılacağı və təqsirkarların cəzalandırılacağı ilə əlaqədar verdiyi təminata da əminliyini qeyd edib.
Xatırladaq ki, dünən saat 18:30-da Ermənistan-Azərbaycan sərhədinin Naxçıvan hissəsində Rusiya Federasiyasına məxsus Mi-24 hərbi helikopteri vurulub. Hadisə ilə bağlı Azərbaycan Respublikasının Baş Prokurorluğunda dərhal araşdırmalara başlanılıb.
Şərhlər
Düz deyirsən qardaş. Ermənini qarabağda saxlamaq olmaz!
Bəyanatın imzalanmasından üçün bu bir siyasi “səhnəcik” idi...