“Kim hara qayıdır, kim hara gedir, hamısı bəyanatda yazılıb. Bütün bunlar ən yüksək səviyyədə razılaşdırılıb”.
APA-nın Moskva müxbirinin xəbərinə görə, bunu Rusiya xarici işlər naziri Sergey Lavrov Beynəlxalq Qızıl Xaç Komitəsinin (BQXK) prezidenti Peter Mauerlə görüşünün yekunlarına dair birgə mətbuat konfransında deyib.
Onun sözlərinə görə, Azərbaycan və Rusiya prezidentlərinin və Ermənistan baş nazirinin bütün bunların icra edilməsinin lazım olduğu barədə dəqiq anlayışı var.
“O ki, qaldı azərbaycanlı və erməni qaçqınların qayıtması məsələsinə, onlar öz ənənəvi yaşayış yerlərinə tam beynəlxalq humanitar hüquqa normalarına uyğun olaraq təhlükəsiz və könüllü olaraq qayıtmalıdırlar. Əlbəttə ki, onlara əvvəlki yaşayış yerlərində yerləşməyə yardım edilməlidir. Həmin yerlərdə hərbi əməliyyatlar gedib. O yerlərdə bərpa işlərinə ehtiyac var. Biz bu gün bu mövzu haqqında da danışdıq. Bu məsələdə beynəlxalq təşkilatlar öz rolunu oynaya bilər. Biz buna hər cür yardımı edəcəyik. Qayıtmaq arzusunda olanlara tezliklə yardım etmək vacibdir”, - deyə Rusiya XİN başçısı qeyd edib.
Moskva ümid edir ki, Beynəlxalq Qızıl Xaç Komitəsinin ardından BMT-nin qurumları da humanitar problemlərin həllinə qoşulacaq
“Mən BMT-nin Qaçqınlar üzrə Ali Komissarlığının İdarəsini, Humanitar İşləri Koordinasiya Bürosunu nəzərdə tuturam. Dağlıq Qarabağda mədəni irsin qorunması məsələsi mövcuddur. Burada UNESCO öz rolunu oynaya bilər”, - deyə S.Lavrov qeyd edib.
Rusiyalı diplomat bildirib ki, BQXK uzun müddətdir bölgədə mövcuddur və onun təcrübəsi digər təşkilatlar üçün də faydalı ola bilər.
Şərhlər
rus səni darğa qoymuşuq gəlib bizə yer göstərirsən özümüz azad etdiyimiz torpaqda? Sənə bu hüquqları kim verib ki, bizim əvəzimizə sərəncam verib torpağımıza soxulmusan? Rədd ol! səni heç kim dəvət etməyib. Bəs Türkiyəni niyə Qarabağa girməyə imkan vermirsən?
rusları qapıdan qovduq pəncərədən girdilər. Çox təəsüf ki, Türk Ordusu hələ Laçına gələ bilməyib rus imkan vermir ki, bizim torpaqlarda Türkiyəmiz bizim qələbəni sığortalasınlar. Gör nə günə qaldıq!
Firir verdikcə,görürük ki,Rusiya rəhbərliyi bu gün bütün qayğılarını ermənistanın üzərində qurub.Bu da onu göstərir ki,Rusiya özü bir ermənistan dövlətidir.ermənilərlə bağlı problemlərin Rusiya ilə müzakirəsi özü erməniyə xidmət deməkdir.Biz maraqlı tərəfi uzaqlaşdılrmalıyıq.