"Dürüst olub, Qarabağ müharibəsindəki məğlubiyyəti tam və məsuliyyətlə qəbul etmək vacibdir".
“Report” “Aysor”a istinadən xəbər verir ki, bunu Ermənistanın hakim “Mənim addımım” fraksiyasının üzvü, parlamentin müdafiə və milli təhlükəsizlik komissiyasının sədri Andranik Köçəryan qanunverici orqandakı çıxışında bildirib.
“Biz müharibədə həm döyüş meydanında məğlub olmuşuq, həm də mənəvi-psixoloji cəhətdən uduzduq. Vəziyyətdən çıxmaq lazımdır. Nə qədər çətin də olsa, qalib tərəflə danışığa başlamağa cəhd etmək vacibdir. Azərbaycanla diplomatik münasibətləri qurmaq gözlənilən perspektivi dəyişə bilər”, - A.Köçəryan bildirib.
Onun sözlərinə görə, diplomatiya bütün iqtisadi, hərbi və mənəvi-psixoloji risklər əsasında dəyərləndirilməlidir. Komissiya sədri deyib ki, Ermənistanda iqtisadi siyasət ordunun yenidən formalaşdırılması və təhlükəsizliyin yaradılması əsasında yürüdülməlidir.
Şərhlər
Muharibəni uduzmusuq nədi ay donuzoqlu.Deki Azərbaycanin torpaqlarini işqal etmisdik,Azərbaycan bizi iti qovan kimi qovdu.
məncə erməniyə ordu yaratmaq sülh müqaviləsində qəti qadağan olunmalıdır, rus ordusunun bazası onlara bəs eləyər.