AZƏRBAYCANDAN BENZİN VƏ DİZELİN QİYMƏTİ QALDIRILDI - Tarif Şurası qərar qəbul edib

4 yanvar 2021-ci il tarixində Tarif (qiymət) Şurasının növbəti iclası keçirilib.

“Report” quruma istinadən xəbər verir ki, iclasda aidiyyəti qurumların müraciətlərinə baxılıb və müvafiq qərarlar qəbul edilib.

Belə ki, Dövlət Neft Şirkəti (SOCAR) Şuraya müraciət edərək ölkədə təbii qazın, Aİ-92 markalı avtomobil benzininin və dizel yanacağının pərakəndə satış qiymətinin artırılmasını təklif edib.

Təbii qazın qiymət artımı təklifinin iqtisadi cəhətdən əsaslandırılmasına baxmayaraq, aparılan sosial siyasət nəzərə alınaraq, Tarif (qiymət) Şurası təbii qazın tariflərinin artırılmasını məqsədəmüvafiq hesab etməyib.

SOCAR-ın müraciətində Aİ-92 markalı avtomobil benzininin və dizel yanacağının pərakəndə satış qiymətinin artırılması həmin məhsulların keyfiyyətin yüksək avrostandartlara çatdırılması, ekoloji mühitin yaxşılaşdırılması, neft emalı sənayesində yenidənqurma və modernləşdirmə işlərinin davam etdirilməsi ilə əsaslandırılıb. Qeyd edilməlidir ki, 2022-ci ilin iyun ayınadək dizel yanacağının, 2023-cü ilin iyun ayınadək isə Aİ-92 markalı avtomobil benzininin AVRO-5 standartına tam uyğunlaşdırılması nəzərdə tutulur.

İclasda Aİ-92 markalı avtomobil benzininin pərakəndə satış qiyməti 1 litr üçün 1 manat, dizel yanacağının pərakəndə satış qiyməti isə 1 litr üçün 80 qəpik müəyyən edilib. Dizel yanacağından istifadənin ekoloji zərərini nəzərə alaraq, daha çox benzin istehlakına keçilməsi məqsədilə qiymət fərqi azaldılıb.

Məlumat üçün bildirək ki, tarif dəyişikliyindən sonra da Aİ-92 markalı avtomobil benzininin pərakəndə satış qiyməti əksər MDB ölkələri ilə müqayisədə aşağıdır. Belə ki, hazırda Aİ-92 markalı avtomobil benzininin pərakəndə satış qiyməti 1 litr üçün Rusiyada orta hesabla 1,0 manat, Ukraynada 1,72 manat, Belarusda 1,14 manat, Gürcüstanda 1,12 manat təşkil edir. Dizel yanacağının qiyməti isə 1 litr üçün Türkiyədə 1,44 manat, Rusiyada 1,12 manat, Ukraynada 1,72 manat, Belarusda 1,21 manat, Ermənistanda 1,19 manat/litr, Gürcüstanda 1,15 manat səviyyəsindədir.

Son illərdə Azərbaycana avtomobil idxalı əhəmiyyətli dərəcədə artıb. Belə ki, 2018-ci ildə 28.876, 2019-cu ildə 47.710, 2020-ci ilin 11 ayında isə 47.841 avtomobil idxal edilib. İdxalın artmasına paralel olaraq, benzinə və dizelə tələbat da yüksəlib.

Dizel yanacağı üzrə sonuncu qiymət tənzimlənməsi 02.12.2013-cü il, Aİ-92 markalı benzin üzrə isə 14.07.2017-ci il tarixlərində aparılıb. Həmin dövrlərdə ölkə üzrə orta aylıq əmək haqqı müvafiq olaraq 425,1 manat və 528,5 manat təşkil edib. 2013-2020-ci illərdə ölkədə orta aylıq əmək haqqı 66%, pensiyalar 73% artıb. Keçən ilin 10 ayında (yanvar-oktyabr) orta aylıq əmək haqqı 704,5 manat təşkil edib.

Aİ-92 markalı avtomobil benzini əsasən, şəxsi minik avtomobillərində istifadə olunduğundan istehlak bazarında ciddi qiymət artımına səbəb olmayacaq, həmçinin ictimai nəqliyyatdan istifadəni və yanacağa qənaət edən avtomobillərə keçidi stimullaşdıracaqdır. Qiymət tənzimlənməsi nəticəsində dövlət büdcəsinə əlavə daxilolmalar proqnozlaşdırılır ki, yaranan əlavə vəsait ölkədə həyata keçirilən sistemli və davamlı xarakter daşıyan sosial siyasətə uyğun olaraq, sosialyönümlü tədbirlərə yonəldiləcəkdir.

Dizel yanacağının qiymət artımının sərnişindaşıma ilə məşğul olan sahibkarlıq subyektlərinə təsirinin neytrallaşdırılması üçün onlara kompensasiya ödəniləcəkdir. Kompensasiyanın verilməsi mexanizmi yanvar ayının sonunadək açıqlanacaqdır. Bu, əhalinin, xüsusilə sosial həssas qrupun mənafeyinə xidmət edən, vətəndaşların gündəlik həyatda daha çox istifadə etdiyi ictimai nəqliyyatda tarıf dəyişikliyi aparılmaması üçün atılan mühüm addımdır.

Tarif tənzimlənməsindən sui-istifadəyə, əsassız qiymət artımınına yol verilməməsi üçün nəzarət tədbirləri həyata keçiriləcəkdir.

Bununla yanaşı, dizel yanacağının qiymət artımının kənd təsərrüfatı sahəsinə təsiri nəzərə alınaraq, hökumət tərəfindən ayrılan subsidiyaların məbləğinə də yenidən baxılacaqdır.

Məlumat üçün bildirək ki, Azərbaycan Respublikası Nazirlər Kabinetinin qərarı ilə digər neft məsullarının (Aİ-92 markalı avtomobil benzini, dizel və bitum istisna olmaqla) qiyməti liberallaşdırılıb.

Tarif (qiymət) Şurasının iclasında digər sahələr üzrə tariflərə də yenidən baxılıb.

Belə ki, İqtisadiyyat Nazirliyi yanında Əmlak Məsələləri Dövlət Xidmətinin daşınmaz əmlakın texniki inventarlaşdırılmasının aparılması, əmlak barədə məlumatların reyestrə daxil edilməsi və əlaqədar xidmətləri üzrə tariflərə baxılması barədə müraciəti müzakirə edilib. Bu xidmətlər üzrə tariflərin 2009-cu ildə təsdiq olunduğu və tarif dəyişikliyi nəticəsində yaranan əlavə vəsaitin keyfiyyətli, çevik və etibarlı xidmətlərin göstərilməsi üçün avadanlıqların alınmasına, işçilərin sosial vəziyyətinin daha da yaxşılaşdırılmasına, informasiya texnologiyalarının tətbiqinin genişləndirilməsinə sərf ediləcəyi nəzərə alınaraq, yeni tariflər təsdiq olunub.

Yeni tariflər 5 yanvar 2021-ci il tarixindən tətbiq ediləcəkdir.

Tarif (qiymət) Şurasının iclasında yeni dövlət qeydiyyatından keçmiş 300-ə yaxın dərman vasitəsinin qiyməti də təsdiq olunub. Ticarət adı, farmaseptik forması, təsiredici maddəsinin adı, dozası, ticarət qablaşdırması, qablaşdırma miqdarı, istehsal ölkəsi nəzərə alınmaqla indiyədək topdan və pərakəndə satış qiymətləri və qüvvəyə minmə tarixi təsdiq edilən 12.392 dərman vasitəsinin tam siyahısı Tarif (qiymət) Şurasının rəsmi internet saytının (www.tariff.gov.az) “Dərman vasitələri” bölməsində (http://tariff.gov.az/documents/DVA.pdf) yerləşdirilib.

Bununla yanaşı, Nazirlər Kabinetinin müvafiq qərarı ilə fitosanitar tədbirlərə və dövlət fitosanitar xidmətlərinə görə xidmət haqqının təsdiq edildiyi nəzərə alınaraq, Tarif (qiymət) Şurasının 01.08.2014-cü il tarixli 4 nömrəli Qərarı ləğv olunub.

Qərarlarla Tarif (qiymət) Şurasının rəsmi saytının (www.tariff.gov.az) “Şuranın qərarları” bölməsində tanış olmaq olar.

Вставляется в месте расположения рекламного блока:

Şərhlər

İ.Mustafaoğlu 2021-01-06 22:51:37

Benzinin qalxması ilə əlaqədar Taarif şurasının təhrif olunmuş izahatı qeyri-qənaətbəxşdir. Belə ki, Ölkəmizi başqa dövlətlərlə müqaisə edirlər. Birinci növbədə Azərbaycan Neft istehsal edən dövlət olduğu üçün, başqa dövlətdən fərqi olaraq öz xalqına ucuz qiymətə benzin satışını həyata keçirməlidir. Əgər qitisadiyatımızı nəzərə alaraq benzinin qiymətini qaldırmaq istəyirsənsəhər adam başına benzin limitini tətbiq et. Limitdən artıq kim benzin istifadə edirsə, istifadə etdiyi benzinin qiymətini 50 % artır qiymətə sat. Taarif şurası qiymət artımını belə tətbiq etməli idi. Elə insanlar var ki, qiymət artımı onara təsir etmir. 100000 manatlıq maşın sürəndə 1 manata benzin alır, 500-600 manatlıq ssrinin zapısını sürəndə 1 manata benzin alır. Sosial ədalət prinsipi bax onda pozulur və sosial narazılıqların yaranmasına gətirib çıxarır. Taarif şurası xalqın aşağı təbəqəsini nəzərə almalı, yanacağın adam başına istifadəsi üçün limiti tətbiq etməlidir.

Kamil 2021-01-06 17:49:00

Tarif .uraının benzinin qiymətinin artırılmasına aid izahatı heş cür anlaşılan deyil.Onun müqayisə etdiyi ölkələrdə insanlara verilan maaş,təqaüd hədləri ilə Azərbaycanı niyə müqayisə etmirlər.Əgər bu nisbət nəzəra alınsa (hökmən nəzərə alınmalıdır) onda bizdə benzin düz dörd dəfə ucuz olmalıdır.İnsanları dar çərçoklfivəyə salmaq əsassızdır.

boris 2021-01-06 00:49:03

nə qədər ki,iqtisadiyyat zəlilərin əlindədir,bu cür xalqın belini qıran qərarlar olacaq

Səid 2021-01-05 16:08:23

Əhsən!!! Yazacaq və deyəcək başqa söz tapmadım.

ƏDALƏT 2021-01-05 13:52:30

TARİF ŞURASININ BENZİN DOLDURMA MƏNTƏQƏLƏRİNDƏKİ BENZİNİN KEYFİYYƏTİNDƏN XƏBƏRİ VARMI? HANSI MƏNTƏQƏYƏ AVRO-5 BENZİN GƏTİRİLİR? ƏSLİNDƏ A-92 MARKALI BENZİN AVROPA STANDARTINDA YOXDUR. BU NEFT MƏHSULU DEYİL,QAZOİL OLDUĞUNU HƏR KƏS BİLİR.ONA GÖƏ TARİF ŞRASINA DİQQƏTLİ OLMASINI VƏ İNSANLARIN AĞIR MALİYYƏ VƏZİYYƏTİNİ NƏZƏRƏ ALARAQ UCUZLAMAYA GETMƏSİNİ XALQ GÖZLƏYİRDİ.AMMA NƏDƏNSƏ BU ŞURA OLİQARXLARA İŞLƏYİR VƏ YALNIZ BAHALAŞDIRMA İLƏ MƏŞĞULDUR

Valid 2021-01-05 13:22:48

Ai95 ve super markali benzini galdirardilar niye disel ??? Dizel

RR 2021-01-05 10:39:24

Yaşa Azerbaycan

Cəmşid Dərələyəzli 2021-01-05 10:09:31

Təbii ki, bütün sosial-iqtisadi tənzimləmələrdə və ən əsası da müharibədən çıxan və hələ də müharibə şəraitində olan bir ölkə üçün, bu qiymət artımları qaçılmazdır. Lakin, sanıram indiki halda yanacağın qiymət artımında, ən optimal variant təkcə qiymət artımı olmamalıdır. İndiki halda, nə qədər tənzimlənməyə çalışılsa da (tarif şurasının dediyi kimi), belə bir vəziyyət istehlak bazarındakı məhsulların qiymətinin qalxışını da qaçılmaz edəcəkdir. Düşünürəm ki, yaxşı olardı qiymət artımı ilə paralel (bu barədə fikirlərimi əvvəlki qiymət artımlarında da bildirmişəm) neft məhsullarının istifadəsində limitin tətbiqi də öz əksini tapardı. Bu həm sosial ədalətsizliyi aradan qaldırar, həm də istehsalda və yük daşınmada əlavə subsidiyaların verilməsinə ehtiyac yaratmazdı. Bu nədənlə də yaxşı olardı ki, hər gün üçün fərq qoyulmadan bütün nəqliyyat vasitələri sahiblərinə ən azından aşağı qiymətlə (məsələn indik artımdan qabaqkı qiymətdən də az) 3 litir və ya aya 100L limit (sərnişin, yükdaşıma və kənd təsərrüfatı texnikaları üçün isə ayrıca) müəyyən olunardı. Limitdən artıq alınan yanacağın qiyməti isə, limitdəki zərər də nəzərə alınmaqla daha çox artırılmalı idi. Məsələ indiki halda ən azı 1L qiyməti 1,5 manat olardı (təbii ki, bu da bütün qiymət və faydalılıq parametrləri nəzərə alınmaqla təyin olunmalıdır). Yoxsa ailə var həyətində 3-5 əd. ən son model və daha çox yanacaq sərf edən araba var. Ailədə var bir Zapısı var (misal üçün). İndi insafdırmı ki, hər ikisi də yanacağı eyni qiymətə alsın. İkinci bir tərəfdən qeyd etdiyim kimi, limitdən artıq istifadə üçün alınan yanacağın qiymətindəki yüksək artış, tarif şurasının arqumentləri ilə, yalnız bu halda şəhərdə nəqliyyat vasitələrinin qeyd olunan sıxlığının azaldılmasına və ekoloji tarazlığın saxlanılmasına öz töhfəsini vermiş olardı.

ejder 2021-01-05 09:58:17

aye,dunyada neft ucuzlawer,bizde benzin bahalawer...malades

Cəmşid Dərələyəzli 2021-01-05 09:38:39

Sanıram indiki halda yanacağın qiymət artımında, ən optimal variant təkcə qiymət artımı olmamalıdır. Nə qədər tənzimlənməyə çalışılsa da (tarif şurasının dediyi kimi), belə bir vəziyyət istehlak bazarındakı məhsulların qiymətinin qalxışını qaçılmaz edəcəkdir. Sanıram qiymət artımı ilə paralel (bu barədə fikirlərimi əvvəlki qiymət artımlarında da bildirmişəm) neft məhsullarının istifadəsində limitin tətbiqi də öz əksini tapardı. Bu həm sosial ədalətsizliyi aradan qaldırar, həm də istehsalda və yük daşınmada əlavə subsidiyaların verilməsinə ehtiyac yaratmazdı. Yaxşı olardı hər gün üçün, fərq qoyulmadan bütün nəqliyyat vasitələri sahiblərinə ən azından aşağı qiymətlə (məsələn indik artımdan qabaqkı qiymətdən də az) 3 litir və ya aya 100L limit (sərnişin, yükdaşıma və kənd təsərrüfatı texnikaları üçün isə ayrıca) müəyyən olunardı. Limitdən artıq alınan yanacağın qiyməti isə, limitdəki zərər də nəzərə alınmaqla daha çox artırılmalı idi. Məsələ indiki halda ən azı 1L qiyməti 1,5 manat olardı (təbii ki, bu da bütün qiymət və faydalılıq parametrləri nəzərə alınmaqla təyin olunmalıdır). Yoxsa ailə var həyətində 3-5 əd. ən son model və daha çox yanacaq sərf edən maşını var. Ailədə var bir Zapısı var (misal üçün). İndi insafdırmı ki, hər ikisi də yanacağı eyni qiymətə alsın. İkinci bir tərəfdən qeyd etdiyim kimi, limitdən artıq istifadə üçün alınan yanacağın qiymətindəki yüksək artış, tarif şurasının arqumentləri ilə , şəhərdə nəqliyyat vasitələrinin qeyd olunan sıxlığının azaldılmasına və ekoloji tarazlığın saxlanılmasına da öz töhfəsini vermiş olardı. Təbii ki, bu mənim fikirim, bəlkə də başqa iqtisadçılarımızın bundan da yaxşı fikirləri olacaq.

RT 2021-01-05 07:14:49

Dediyiniz ôlkelerin nefti yoxdu !!! El helal ,,,

Kaku 2021-01-05 03:09:53

Sadaladiqlari diger olkeler xam nefti olmayam olkelerdi onlar benzini xaricden alsalarda qiymet yenede biznen muqayisede cox yaxsidi.bes rovneq muellim demisken cip surenlerin benzini 95 nevaxt qalxacaq

t.ədalət 2021-01-05 01:48:50

İndiyə kimi yaxşı gəlmişdik,korladıq.Maya dəyərindən dəfələrlə artıq qiymətə satılan benzinin bahalaşması bazarda ərzaq məhsullarına da ciddi təsir edəcək.Bu bahalaşma yeni ilin qara xəbəri oldu.Taarif şurasının izahatı isə əhalini özləri kimi savadsız hesab etməsidir.Şair demişkən kimi aldadırsan zalım oğlu?

Human 2021-01-05 01:30:13

Utanmadan da deyirler ki,biz bu qiymet artimini xalqin geleceyini yaxwilawdirmaq ucun eledik.

Ibad 2021-01-04 23:57:39

Ne gozel cox sevindirici xeberdi

Son yazılar