"Ötən il xarici ticarətdə böyük azalma qeydə alınıb, əsas səbəbi neft ixracı və dövlət idxalının kəskin azalmasıdır".
Bu barədə iqtisadçı ekspert Rövşən Ağayev bildirib. Onun sözlərinə görə, qeyri-neft ixracında təxminən 100 mln. dollar (5,3%) azalma olub. "Amma neft-qaz ixracatı 5.8 mlrd. dollar (33%) azalıb. 2019-da neftin orta qiyməti 65 dollar, 2020-də 45 dollar ətrafında olub. Qiymətdəki hər 10 dollar ucuzlaşma neft-qaz ixracını təxminən 2.9 mlrd. dollar (hər 1 dollar 290 mln. dollar) azaldıb", - deyə ekspert qeyd edib.
R.Ağayev bildirib ki, idxal 2.9 mlrd. dollar (22%) azalıb. Dövlət idxalı isə 2.3 mlrd. dollar (2.3 dəfə) kiçilib. Qeyri-dövlət idxalında azalma cəmi 600 mln. dollar (6,3%) təşkil edib.
"Gömrük sisteminin büdcəyə ödənişləri cəmi 470 mln. manat (11%) azalıb. Amma bununla belə vergi ödəmə əmsalı xeyli yüksəlib. Belə ki, 2019-da büdcə ödənişlərinin idxalın dəyərinə nisbəti 18,9% idisə, 2020-də 21,6% olub. Yəni 1 il əvvəl hər 100 dollarlıq idxaldan 18,9 dollar büdcəyə daxil olmuşdusa, 2020-də 21,6 dollar alınıb", - iqtisadçı vurğulayıb.
"AzPolitika.info"
Şərhlər