Avropadan Dollara qarşı Avronu gücləndirmək planı

Qlobal ticarətə dolların dominatlıq etməsindən narahat olan Avropa Birliyi (AB) Komissiyası, ABŞ-da Joe Bidenin Prezident vəzifəsinə başlamasına 1 gün qalmış Avronun beynəlxalq rolunu gücləndirəcək müxtəlif tədbirləri ehtiva edən yeni strategiyasını açıqlayıb.

Marja xəbər verir ki, Avropanın qlobal iqtisadi sistemdə qabaqcıl rol oynamasını məqsəd qoyan strategiyaya görə;

-Avro pul vahidin qlobal miqyasda istifadəsi artırılacaq. AB, avro istifadəsini təşviq etmək üçün 3-ünçü ölkələrlə danışıqlar aparacaq.

-Avro pul vahidindəki maliyyə alətləri dəstəkləniləcək. Avronun enerji və əmtəə ticarətində beynəlxalq istinad pul vahidi olmasına çalışılacaq.

-AB-nin yeni növ koronavirus (Kovid-19) epidemiyası səbəbilə hazırladığı 750 milyard avroluq xilasetmə proqramı üçün avroda borclanılacaq. Avronun sərmayəçilər üçün daha cazibədar olması təmin ediləcək.

-AB-nin qlobal "yaşıl" maliyyələşmədə bir mərkəz olması və bu maliyyələşmədə Avronun qabaqcıl rol oynaması dəstəkləniləcək.

-AB Komissiyası, Avropa Mərkəzi Bankının (AMB) ola biləcək rəqəmsal avro işlərinə dəstək təmin edəcək.

-AB-nin kapital bazar infrastrukturu daha da inkişaf etdiriləcək.

- Avropa maliyyə bazarlarının 3-ünçü ölkələrin sanksiyalarına qarşı müqavimətli olmaları təmin ediləcək.

-AB təşkilatları, 3-ünçü ölkələr tərəfindən tətbiq olunan tək tərəfli tədbirlərə (sanksiyalara) istiqamətli təhlükəsizlik açıqlarının aradan qaldırılması üçün maliyyə bazar infrastruktur şirkətləri ilə ünsiyyətə keçəcək.

Strategiyaya dair Brükseldə təşkil edilən mətbuat konfransında danışan AB Komissiyasından Valdis Dombrovskis, "Ortaq pul vahidimiz Avro dünyada ən məşhur ikinci pul vahididir. Planımız, Avronun beynəlxalq rolunu gücləndirməyə istiqamətli uzunmüddətli strategiyanı ehtiva edir" deyib.

Dombrovskis, qlobal iqtisadiyyatın dollara bağlılığını azaldılaraq şoklara qarşı daha etibarlı hala gətirilə bilinəcəyini söyləyib.

Avronun borc alətləri, əmtəələr və enerji kimi sahələrdə istifadəsini artırmağı məqsəd qoyduqlarını bildirən Dombrovskis, "Plan, AB maliyyə sistemini və infrastrukturunu gücləndirməyi ehtiva edir" ifadəsini istifadə edib.

Dombrovskis, Avropanın ən böyük maliyyə mərkəzi olan İngiltərənin AB üzvlüyündən ayrıldığını da xatırladaraq, "Xüsusilə AB-dəki bazar iştirakçılarının 3-ünçü ölkələrdəki mübadilə əməliyyat mərkəzlərinə olan həddindən artıq açıq mövqelərini bağlamalıyıq", deyib.

AB Komissiyasının İqtisadiyyatdan Məsul üzvü Paolo Gentiloni da "İqtisadi və pul birliyini dərinləşdirməyi, avronun beynəlxalq rolunu gücləndirməyi məqsəd qoyuruq" deyib.

AB daxilində bankçılıq birliyini tamamlamaq və sərmayə bazarı birliyini əhəmiyyətli ölçüdə irəli aparmağa prioritet verəcəklərini izah edən Gentiloni, "Avro pul vahidi noyabr ayında qlobal ödəmələrdə 38% nisbətinə çatdı. Avronun qlobal ehtiyatlardakı payı isə 20% ətrafındadır. Bu səviyyə son 20 ildə dəyişmədi",- bildirib.

Gentiloni, Avronun güclü bir rola sahib olmasının AB iqtisadiyyatını valyuta məzənnəsi riskindən qoruyacağını, digər pul vahidlərinə olan asılılığı azaldacağını vurğulayıb.

635x100

Şərhlər

Hər hansısa bir şərh yazılmayıb.

Son yazılar