Yeni nazirdən gözləntilər - Rabitə sahəsində problemlər həllini tapacaqmı?
"Nəqliyyat, Rabitə və Yüksək Texnologiyalar Nazirliyi (NRYTN) artıq əvvəlki nəhəng nazirlik deyil. Onun tərkibində olan əsas strateji qurumlardan "Aztelekom", "Baktelekom", "AzİnTelecom", "Azercell" və s. idarəetməsi bir müddət öncə yaradılan Holdinqə həvalə edilib. Bu baxımdan nazirlik qarşısında duran vəzifələr, prioritetlər qısa müddət öncə kəskin şəkildə dəyişib. Yeni təyinatı da bu yöndə qiymətləndirmək doğru olardı".
"AzPolitika.info" xəbər verir ki, bunu Azərbaycan İnternet Forumunun prezidenti Osman Gündüz Rəşad Nəbiyevin təyinatını şərh edərkən deyib.
Onun sözlərinə görə, nazirlik daha çox təmizlənmə, səmərəli idarəetmə, rəqabətli mühitin formalaşması, innovasiyalar və sektorda dövlət siyasəti ilə bağlı məsələlərlə məşğul olmalıdır: "Nazirlik qarşısında duran vəzifələr baxımından Rəşad Nəbiyevin nazir təyinatı uğurlu hesab oluna bilər. Əvvəlki dönəmlərdə o, məhz sektorda iqtisadi təhlillərə cavabdeh şöbəyə rəhbərlik edirdi.
Hətta xatırlayıram ki, uzun müddət öncə onun rəhbərlik etdiyi şöbə sektorun tənzimlənməsi ilə bağlı bir konseptual sənəd də hazırlamışdılar".
Ekspertin sözlərinə görə, R. Nəbiyev "Azərkosmos"-a rəhbərlik etdiyi dönəmdə innovasiyalar və startap sahəsinin inkişafına diqqət yetirməyə çalışırdı.
"Bəs NRYTN taleyi necə olacaq, struktur dəyişikliyi aparılacaqmı? Tənzimləyici qurum necə formalaşacaq, elə nazirliyin əsasındamı yaradılacaq, yoxsa üzvləri Prezident tərəfindən təyin olunan Telekommunikasiya Şurası formalaşacaq? Dövlətə məxsus olan rabitə resurslarından özəl və dövlət sektorun bərabər əsaslarla istifadəsi təmin olunacaqmı? Rəqəmsallaşma, keyfiyyətli internet baxımından region və Bakı arasında bərabərsizlik aradan qalxacaqmı?"-deyən O. Gündüz, bu və ya digər suallarda qaldırılan problemləırin həllini vacib sayır: "Ümid edirəm və inanıram ki , yeni nazir İKT sektorunu müasir çağırışlara cavab verəcək səviyyəyə qaldıra biləcək".
"AzPolitika.info"
Şərhlər
Nə qədərki Əli Abdullayev və onun əl altıları O,nazirlikdədir heç bir yeniliyə umud yoxdur,birdə nə qədərki insanların beynində islahat sözü yalnız kimisə işdən çıxardıb yerinə kimisə gətirim düşüncəsi imkan vermirki bu sahədə həqiqi islahatlar aparmağa,xusisəndə Azərpoçt MMC-də.
Yeni nazir Rəşad Nəbiyev çox savadlı, təcrübəli, peşəkar maliyyəçi- rabitəçidir. Uzun müddət Rabitə nazirliyinin maliyyə şöbəsinə rəhbərlik edib, onlarla maliyyəçi-rabitəçi kadrların yetişməsində müstəsna əməyi olub. Əsil rabitəçinin Rabitə Naziri təyin olunması, rabitənin inkişafına öz töhvəsini verəcək, qısa müddət ərzində raitədə yaranmış neqativ halların aradan qaldırılmasına və rabitənin əvvəlki nüfuzunun özünə qaytarılmasına nail olacaqdır. Uğurlar !