Dollar bahalaşdıqca neft ucuzlaşır

Dolların məzənnəsinin artmasının, habelə koronavirus üzündən tələbatın gələcəyinin müəmmalı olmasının təsirilə neft bugünkü hərraclarda bir az da ucuzlaşıb.

“Report” xəbər verir ki, Bakı vaxtı ilə saat 13:50-yə olan vəziyyətə görə, “Brent” markalı neftin aprel fyuçersləri 0,63 faiz ucuzlaşaraq 55,18 ABŞ dollarından, mart fyuçersləri 0,77 faiz ucuzlaşaraq 55,38 dollardan, WTI markalı neftin də mart fyuçersləri 0,72 faiz ucuzlaşaraq 52,47 dollardan satılıb.

Bununla yanaşı, başlıca pul vahidlərinə qarşı məzənnəsi artan ABŞ dollarının indeksi (ABŞ-ın əsas ticarət tərəfdaşı olan 6 ölkənin valyutalarına qarşı məcmu məzənnə) dünən 0,5 faiz, bu gün də 0,1 faiz artıb. Nəticədə daha çox dollarla satılan neft və s. xammal məhsullarının başqa valyuta sahibləri üçün bahalaşdığına görə həmin məhsullara tələbat azalır.

Koronavirus pandemiyası ilə bağlı vəziyyət də dünya iqtisadiyyatının dirçəlməsinə, o cümlədən neftə tələbatın artmasına dair şübhələrin qalmasına səbəb oldu. Dünən Böyük Britaniyada ölkəyə giriş-çıxışlarla bağlı qaydalar sərtləşdirilib. İki həftədən sonra Ay təqvimilə Yeni İli qarşılamağa hazırlaşan Çində isə əhali bayram tətilləri zamanı imkan daxilində səyahətlərə çıxmamaqla bağlı xəbərdar edilib. Xatırladaq ki, Çin ən böyük neft idxalçısıdır.

“Axi”nin dünya bazarları üzrə eksperti Stefen İnnes “Reuters”ə bildirib ki, koronavirusa qarşı peyvənd işlərinin ləng aparılması cari ilin ikinci rübündə neftə tələbatla bağlı mühüm çətinliklər yaşanacağı şəksiz görünür.

635x100

Şərhlər

Hər hansısa bir şərh yazılmayıb.

Son yazılar