TARİF ŞURASI "AZƏRSU"NUN MÜRACİƏTİNƏ BAXIB - Sabahdan suyun qiyməti artırılır
Yanvarın 31-də Tarif (qiymət) Şurasının növbəti iclası keçirilib.
"Report" xəbər verir ki, iclasda aidiyyəti qurumların müraciətlərinə baxılıb və müvafiq qərarlar qəbul edilib.
Belə ki, iclasda “Azərsu” ASC-nin müraciəti müzakirə olunub və bir kubmetr su təchizatının tarifi ƏDV daxil olmaqla əhali üzrə Bakı, Sumqayıt, Xırdalan şəhərləri və Abşeron rayonu üçün 70 qəpik, digər inzibati ərazi vahidləri üzrə 60 qəpik, tullantı sularının axıdılması xidmətinin tarifi isə ölkə üzrə bir kubmetr üçün 30 qəpik səviyyəsində təsdiq olunub.
Qərar 2021-ci il fevralın 1-dən qüvvəyə minir.
Su təchizatı və tullantı sularının axıdılması xidmətlərinin tariflərinə yenidən baxılmasına səbəb kimi son illər su təchizatının əhatə dairəsinin genişləndirilməsi, əhalinin fasiləsiz və keyfiyyətli su təchizatı üçün yeni infrastrukturların istismara verilməsi ilə əlaqədar elektrik enerjisi, mal-material, nəqliyyat və təmir xərclərinin artması, həmçinin Səhmdar Cəmiyyət üzrə işçilərin sayının və əməkhaqların yüksəlməsi nəticəsində mövcud tariflərlə gəlirlərin fəaliyyət üzrə xərcləri qarşılamaması göstərilib. Bu sahədə mövcud olan problemlərin aradan qaldırılması, xidmətlərin keyfiyyətinin yaxşılaşdırılması, istehlakçıların keyfiyyətli və fasiləsiz içməli su ilə təmin olunması, su təchizatı və kanalizasiya sistemlərinin yenidən qurulması məqsədilə dövlət büdcəsindən hər il olaraq investisiya şəklində maliyyə vəsaiti ayrılır. Tarif tənzimlənməsində tariflərin mümkün olan aşağı səviyyədə saxlanılması, əhalinin optimal qiymətlərlə su ilə təmin edilməsi və s. kimi amillər nəzərə alınıb.
“Azərsu” ASC-nin xərclərinin ödənilməsi üçün dövlət büdcəsindən subsidiya ayrılır (2021-ci ildə 45 milyon manat).
Tarif tənzimlənməsi “Azərsu” ASC-nin maliyyə-təsərrüfat fəaliyyətinin sağlamlaşdırılmasına imkan yaradacaq. Həmçinin fasiləsiz su təminatının əhatə dairəsinin daha da genişlənməsinə şərait yaranacaq, Səhmdar Cəmiyyətin işçilərinin sosial müdafiəsinin gücləndirilməsi üçün əlavə imkanlar formalaşacaq. Dövlət büdcəsindən “Azərsu” ASC-yə vəsait ayrılması dayandırılacaq və bu vəsaitin sərbəstləşməsinə imkan yaranacaq.
Tarif tənzimlənməsi ilə əlaqədar dövlət büdcəsində sərbəstləşən vəsait ölkədə həyata keçirilən sistemli və davamlı xarakter daşıyan sosial siyasətə uyğun olaraq sosialyönümlü tədbirlərə yonəldiləcək.
Son tarif tənzimlənməsi 2016-cı il mayın 13-də aparılıb. Ötən müddət ərzində abonentlərin sayı 200 mindən çox artıb. “Azərsu” ASC tərəfindən həyata keçirilən su təchizatının əhatə dairəsi 50%-dən 70%-ə, fasiləsiz su təchizatı isə 65,6%-dən 70,5%-ə yüksəlib. 2016-2020-ci illərdə orta aylıq əməkhaqqı 41%, pensiya 69% artıb. Hazırda orta aylıq əməkhaqqı 703,5 manat təşkil edir. Qeyd edək ki, bundan əvvəlki tarif dəyişikliyi aparılmış 2016-cı ildə orta aylıq əməkhaqqı 500 manat idi.
Tənzimləmədən sonra belə, tariflər bir sıra MDB ölkələrində olduğundan aşağıdır. Belə ki, əhali üzrə su təchizatı və tullantı sularının axıdılması xidmətinin birlikdə tarifi Moskvada (Rusiya) 1,70 manat/kubmetr, Kiyevdə (Ukrayna) 1,42 manat/kubmetr, Minskdə (Belarus) 1,17 manat/kubmetr, Ankarada (Türkiyə) isə 0,64-1,28 manat/kubmetr təşkil edir.
Tarif dəyişikliyi məhdud su ehtiyatlarından daha səmərəli və qənaətlə istifadəyə sövq edəcək.
Tarif dəyişikliyinin aylıq istehlak səbətinə 2,50 manat, bir abonentin aylıq xərcinə isə təxminən 5 manat təsir edəcəyi proqnozlaşdırılır.
Şərhlər
Onların qanunsuz əldə etdikləri milyonlar Allah qoysa dövlətin nəfinə keçəcəkdir..?
Bizimkilər çox humanistdirlər,ancaq özümüzə yox başqalarına,həttda düşmən erməniyə də. Z.Oruc deyirdi Xankəndini erməniyə aid olan əraziləri də salaq büdcə xərclərinə. Başqa birisi deyirdi ki ermənini yaxşı yedirdib içirdsək keçəcək biz tərəfə. İndi yəqin düşmənə müharibədə dəyən zərəri,bu günkü xərclər,sürhməramlıların xərcini bizimkilər götürüblər öz üzərinə, çünki hunanistdirlər axı. O xərci indi müxtəlif üsullarla bizdən çıxaracaqlar. Yaman gündəyik. Milyardlar bəlkə trilyon gəliri olan millətik,ancaq nə günə salıblar bizi. Xahiş edirəm imkan varsa bunu elə beləcə də verin.
Çox dözümlü millətik...........
Hər şeyin qiyməti qalxıb. 1ay əvvəl 2,1 manata satılan günəbaxan yağını gündə 5-10 qəpik artırıb indi 3,5 manat ediblər. Eləcə də bütün ərzağın qiyməyi. Ərzaq da ümumiyyəylə bütün biznes hamısı talançı məmur oliqarxların komandanın əlindədir....
Təmsilçidən soruşdular--bu qədər ki sən yazırsan-Qorxmayırsan ƏQrəblərdən-İlanlardan Tikanlarda -Cava--Qorxuram mən NAKƏSLƏRDƏN-NAMƏRDLƏRDƏN NADANLARDAN SAPI BİZDƏN OLAN BALTALARDAN -MÜƏLLİFİN ADINI YAZIN MƏNDƏ BİLİM
Tarif şurası ya oradakı məmurlar kimdirlər ki, belə qərar verirlər?
Tarif Şurası qiymət artımını: - Azərsu ASC - nin xərclərinin artmasını, həmçinin işçilərin əmək haqlarının artması nəticəsində gəlirlərin fəaliyyəti üzrə xərclərin qarşılamaması göstərilib. Bundan başqa Suyun qiymətinin artırılmasını başqa xarici dövlətlərlə və Azərsu ASC - nin xərclərinin ödənilməsi üçün dövlət büdcəsindən 2021-ci ildə 45 milyon manat subsidiya ayrılmasını əsas gətirir. Tarif Şurası tərəfindən ölkəmizdə Suyun tarifinin arıtılması xalqımızın problemlərinin artmasına, sosial narazılıqların yaranmasına gətirib çıxarır. Azərsu ASC- i tərəfindən və onun tabeli qurumları qanunun aliliyinə riayət edərək qazanılmış maliyyə vəsaitlərini öz təyinatı üzrə xərcləsələr, Suyun tarifinin artırılmasına ehtiyac olmazdı...? Ümumiyyətlə Kommunal xidmətlərini artırıb, xalqı dövlətdən narazı salmaqdansa, sozial narazılıqları artırmaqdansa, xüsusilə ölkəmizdə fəaliyyət göstərən Səhmdar Cəmiyyətlərin, nazirliklərin, komitələrin maliyyə-təsərrüfat fəaliyyətlərinə nəzarəti gücləndirmək lazımdır. SSRİ dönəmində olan yoxlamalar bərpa olunmalıdır, çünki ayrılan və qazanılan pullar işbazlar tərəfindən mənimsənilir, səsi çıxanları isə qanunsuz olaraq işdən azad edirlər və şikayətinə də baxan tapılmır.... Bütün idarələr öz qohum-qardaşları ilə təyin olunublar.. xalqı dövlətdən narazı salanlarda yerində olmayan məmurlar tərəfindən baş verir...Ona görədə dövlətimiz məmur özbaşnalıqlarına son qoymaq üçün Vergi qanunverigiliyi güclənməli, dövlətdən ayrılmış pulların xərclənməsi prosesi yoxlanılmalıdır...Kadrın səhvi nəticəsində bir yeri 5-6 dəfə qazıb kanalizasiya işi aparırlar......?
Xalqın bu çətin durumda son nəfəsin kəsmək deməkdir.
Xatırlayırsınızsa, bir neçə il öncə Tarif Şurası çörəyin qiymətini qaldırmışdı. Gecə ikən rəhmətlik Heydər Əliyev Tarif Şurasının bu qərarını ləğv etdi. Sadə azərbaycanlılar ümummilli liderin bu addımını böyük razılıqla qarşıladı və bu gün də ona rəhmət oxuyur. Benzin məsələsinə gəlıdikdə, hər kəsin avtomobili yoxdur, ola bilsin ki, sadə azərbaycanlı ailəsi bu artımın o qədər də fərqində deyil, çünki avtomobildən istifadə gündəlik xarakter daşımır. Çörək, su isə gündəlik tələbatdır. İlin, günün bu vaxtında suyun qiymətinin artırılması gəlirləri aşağı olan azərbaycanlı ailəsinin büdcəsinə kifayət qədər zərbə vurmuş olar. Ölkə başçısı daha ciddi məsələlərlə məşğuldur, hər məsələ ola bilər ki, onun diqqətindən kənarda qalmış olar. Tarif Şurası hər hansı bir qərarı verməzdən öncə gərək hər şeyi götür-qoy etsin və ölkə rəhbərliyinin nüfuzuna xələl gətirməsin. Onun əsas kimi gətirdiyi dəlillər o qədər də inandırıcı deyil, berlə izah orta məktəb şagirdinin səviyyəsindədir. Gələcəkdə bəlkə Tarif şurası havaya görə də bir qiymət fikirləşərdi. Çox heyif.
Xatırlayırsınızsa, bir neçə il öncə Tarif Şurası çörəyin qiymətini qaldırmışdı. Gecə ikən rəhmətlik Heydər Əliyev Tarif Şurasının bu qərarını ləğv etdi. Sadə azərbaycanlılar ümummilli liderin bu addımını böyük razılıqla qarşıladı və bu gün də ona rəhmət oxuyur. Benzin məsələsinə gəlıdikdə, hər kəsin avtomobili yoxdur, ola bilsin ki, sadə azərbaycanlı ailəsi bu artımın o qədər də fərqində deyil, çünki avtomobildən istifadə gündəlik xarakter daşımır. Çörək, su isə gündəlik tələbatdır. İlin, günün bu vaxtında suyun qiymətinin artırılması gəlirləri aşağı olan azərbaycanlı ailəsinin büdcəsinə kifayət qədər zərbə vurmuş olar. Ölkə başçısı daha ciddi məsələlərlə məşğuldur, hər məsələ ola bilər ki, onun diqqətindən kənarda qalmış olar. Tarif Şurası hər hansı bir qərarı verməzdən öncə gərək hər şeyi götür-qoy etsin və ölkə rəhbərliyinin nüfuzuna xələl gətirməsin. Onun əsas kimi gətirdiyi dəlillər o qədər də inandırıcı deyil, berlə izah orta məktəb şagirdinin səviyyəsindədir. Gələcəkdə bəlkə Tarif şurası havaya görə də bir qiymət fikirləşərdi. Çox heyif.
Yezidlik,belə bir ağır durumda əsil Yezid əlamətləridir. Görəsən o məmurun handında yezid qanı var?
"Səhmdar Cəmiyyətin işçilərinin sosial müdafiəsinin gücləndirilməsi üçün əlavə imkanlar formalaşacaq. Dövlət büdcəsindən “Azərsu” ASC-yə vəsait ayrılması dayandırılacaq və bu vəsaitin sərbəstləşməsinə imkan yaranacaq." ...qiymət artımında başqa səbəblərlə birgə bunları yazmısınız. İnandırım sizi Azərsunun ən aşağı təbəqəsindən bircə pillə yuxarı təbəqəsinin yaşayışı ən yüksək səviyyədədir, yəni bunu həmin şirkətdə işləyən öz tanışlarımızın yaşayışında görürük...
korona dövrü üçün çox "lazımlı" qərardır! Əllərinizi tez-tez yuyub "işrafçılığa" yol verməyin. Suya və gigiyenaya qənaət edin vətəndaşlar!
YARAMAZ TALANÇI MƏMURДФКЖ TƏMİZLƏMƏK ƏVƏZİNƏ DAĞITDIQLARINI XALQIN BELİNƏ YÜKLƏТТШК..BELƏ ETDİKCƏ YARAMAZLAR DAHA ÇOX OĞRAYACAQLAR.ZƏLİL GÜNƏ QALAN MİLLƏTİMİZ OLACAQ.HAYIF,HAYIF.
"malades"
metamorfoza
payımızı yeyənlər qan qussunlar
çörək pulu tapmırıq. NEFT QAZ MİLYARDLARI indi də gəlir, kimə verilir? Millətə heç nə verilmir. necə gəlirsə elə də başını əkirlər
онда суюн гиймети гой олсун 1 000 ( мин ) манат ,,, яшамаг нейе лазым ? нефт олкесинде ????
Allah sizlerin evini yixsin,yəni bu qədər allahsizliq olar? 2 ilin icninde 3 dəfə suyun qiymetini qaldirirlar. Karta 10 manata 33 ton su yuklenirdi bir il bundan qabaq.indi 10 manata 11 ton su yuklenir...
Tatrf durasi bes pensiya,muavinetlerin artirilmasi ile niye mesgul olmur??,Yoxsa onlar ayda yssadiqlarini hiss erdirler?
Belede yox da insafsizliqdi ee 100% artim hansi olkede var. Ancaq Azerbaycanda ola biler. Azersu əhalinin cibine girmekle mesguldur.
Azerbaycanın xaricdeki numayendelik ve sefirliklerine ayrılan pullardan ve onlarin yalancı preoyekt ve tedbirlerine verilen pulları dotasiay edib kommunal xerclere ayırsaydılar, heç büdcede bu geder kesir yaranmazdi
MƏMURLAR yeni Saraylar tikməlidir axi
Qaz və elektrik tariflərini də Ya
Çox təəssüfləndirici haldır ki,hökumət iqtisadiyyatı inkişaf etdirmək,xalqın yaşayışını yaxşılaşdırmaq əvəzində metal qırıntısı toplayan mağmunlar kimi büedcənin yükünü əhalinin belinə yığmaqla məşğuldur.Bu,onu göstərir ki,savadsız və talançı kadrlarla yolu uzatmaq olmayacaqşƏhalinin cibindən nə qədər çırpışdırmaq olar?Axı,o cib YAP-çı məmurların yox,fəqir və kasıb həyat yaşıyan,Vətən üçün səngərlərdə düşmənin qarşısında dikələn camaatın cibidir!
bu gunden artiq qalxif,saq yemiyesiniz
Suyun qiymətinin artırılması çox təəssüfləndirici haldır.Büdcə kəsiri və iqtisadiyyatın səriştəsiz adamlara tapşırılması xalqın cibini yırtır.Belə əsassız bahalaşdırma hakimiyyətin etibarını azaldır və xalqı hakimiyyətdən narazı salır.Dövlət ona görə dövlət oluyr ki,əhalinin ehtiyaclarına çarə arasın.Bizdə isə tərsinə olub,dövlət bütün ağırlığı ilə əhalinin üstünə çöküb,xalqın olan-qalanını əlindən alır.Suyun hesabına varlananları nəzərə alsaq son qiymət artımı tamamilə haqsızlıqdır.Məs."Azərsu"yun şefi oğurladığı pulların hesabına Quba və Qəbələ rayonlarının yarısını özəlləşdirib.Bakıdakı mənzilinin qiyməti 2-2,5 milyon dollar dəyərindədir.Al,bu da sənə qiymət artımı!