Binə Atcılıq Mərkəzində antisanitar durum ürək bulandırır – FOTOLAR

Bir müddət öncə saytımızda Azərbaycan atçılarının şikayəti əsasında idmanın atçılıq növünün acınacaqlı durumu haqqında məqalə dərc etmişdik. 

Qeyd etmişdik ki, Azərbaycan Atçılıq Federasiyası idmançılara ögey münasibət bəsləməklə bərabər, bir çox hallarda onları sıxışdırır, mikrob mənbəyi olan burada hər at üçün 50 manat alırlar.

Turkustan.info xəbər verir ki, atçılar ippodromlardakı antisanitar vəziyyətdən də narazılıq edirdilər. Federasiya rəhbərliyi isə öz növbəsində narazıları qərəzli olmaqda ittiham edib və onları problemləri həll etmək üçün görüşə dəvət edib.

Biz oxucularımıza Binə Atcılıq Mərkəzindəki antisanitar durumu özündə əks etdirən fotolar təqdim edirik. Buyurun, baxıb nəticə çıxarın. 

Qeyd edək ki, Binə Atcılıq Mərkəzinin rəhbərliyi atçıları bu mərkəzdən uzaqlaşdırıb. Hazırda müxtəlif sahələrdə çalışmağa məcbur olan atçılar jurnalistlərin iştirakı ilə federasiya rəhbərliyi ilə görüşməyə hazır olduqlarını bildiriblər.