"Bu gün yeni bir vəziyyət yaranıb, bu vəziyyəti biz yaratmışıq. Biz reallıqlar yaradan ölkəyik və bundan əvvəlki dövrlərdə də bizim təşəbbüsümüzlə reallaşan bir çox layihələr bölgəyə yenilik gətirib, əməkdaşlığın yeni formatlarını şərtləndirib".
"Report" xəbər verir ki, bu barədə Prezident İlham Əliyev Yeni Azərbaycan Partiyasının VII qurultayındakı çıxışında bildirib.
“Eyni zamanda, bizim uğurlu enerji siyasətimiz, nəqliyyat siyasətimiz nəinki enerji və nəqliyyat dəhlizlərinin yaranmasına gətirib çıxarmışdır, eyni zamanda, bölgədə və geniş mənada Avrasiya bölgəsində yeni əməkdaşlıq formatlarını yaratdı. Bu gün bu layihələr ətrafında birləşən və bu layihələri bizimlə bərabər icra edən ölkələrin sayı artmaqdadır və bu, istər-istəməz bu ölkələr arasında, hətta əvvəlki dövrlərdə bir-biri ilə o qədər isti münasibətləri olmayan ölkələr arasında da əməkdaşlığı labüd edir”, - dövlətimizin başçısı vurğulayıb.
Prezident qeyd edib ki, bizim siyasətimizlə bağlı son vaxtlar dünyada aparılan düzgün təhlillər və fəaliyyətimizə verilən yüksək qiymət həqiqəti tam əks etdirir və ikinci Qarabağ müharibəsinin nəticələri də bölgə üçün yeni reallıqlar yaradıb. Bölgədə yeni əməkdaşlıq imkanları yaranıb. Uzunmüddətli sülhün təmin edilməsi üçün çox önəmli şərtlər, eyni zamanda, ölkəmizdə də yeni dövrə qədəm qoymaq üçün yeni imkanlar yaranıb.
Şərhlər
Hörmətli cənab Prezident ! Ailəmin məmur özbaşnalığı nəticəsində haqsızlıqlara düçar olması ilə əlaqədar bir-neçə dəfə PA-da qəbulda olmağıma baxmayaraq, qanunun aliliyinə hörmətlə yanaşan məmurla üzləşmədim . Hara müraciət edirəmsə, xüsusilə NRYTN-nin müavini Elmir Vəlizadə tərəfindən təhrif olunmuş, qanunsuz cavab verməkdən kəçinmirlər, onların belə hərəkətləri sosial narazılıqların artmasına gətirib çıxarır.. Ailəmə qarşı olan haqsızlıqları aradan qaldırmaq üçün məni qəbul etməyinizi sizdən xahiş edirəm.