Hələ 2019-cu ildə Kaliforniya şirkəti "Gateway Foundation" tərəfindən bir gün Yer atmosferinin üzərində üzə bilən gəmi tipli bir otel yaradılacağı elan olunmuşdu.
Artıq 2027-ci ildə tikintisinin başa çatdırılacağı planlaşdırılan və “Voyager Station” adlandırılan otel yeni bir tikinti şirkəti olan "Orbital Assembly Corporation" tərəfindən inşa ediləcək. Qeyd edək ki, bu şirkət "Gateway Foundation"-a rəhbərlik edən keçmiş pilot John Blincow tərəfindən idarə olunur.
Blincow bu yaxınlarda "CNN Travele"-ə verdiyi müsahibəsində, otelin açılışı ilə bağlı “Gəlir, sürətlə gəlir” sözləri ilə dünyanın kosmik səyahətlərın qızıl dövrünə yaxınlaşdığını qeyd edib.
Xatırladaq ki, inşası 2025-ci ildə yekunlaşacağı elan olunan otelin inşası koronavirus pandemiyası səbəbilə 2027-ci ilə qədər uzadıldı.
Otel xarici halqa ilə daxili halqanı bir-birinin ətrafında fırladaraq, süni cazibə yaratmaq üçün nəzərdə tutulub. 400 nəfərlik otel, mətbəx, restoran və kinoteatrdan ibarətdir.
Şərhlər