Türkiyə “Su-35” və “Su-57” çoxməqsədli Rusiya qırıcıları almaq imkanlarını istisna etmir. Amma Ankara üçün özünün 5-ci nəsil döyüş təyyarələrinin yaradılması prioritet təşkl edir.
Bu barədə martın 11-də Türkiyənin Sənaye və Texnologiyalar naziri Mustafa Barnak “RİA Novosti” agentliyinə bəyan edib.
“Əgər Rusiyanın bizim cari tələbatımıza cavab verən təyyarəsi varsa, müdafiə sisteminə onun tətbiqi problem yaratmırsa, o zaman, əlbəttə ki, biz, Rusiyadan və ya Avropanın digər ölkəsindən onu ala bilərik. Bu mənada bizim hansısa qəti antoqonist mövqeyimiz yoxdur” - deyə, mənbə bildirib.
Türkiyəli nazirin sözlərinə görə, bu məsələ iki ölkə liderlərinin görüşündə tez-tez qaldırılır.
“Əlbəttə, bizdə prioritet olaraq hər şeydən əvvəl 5-ci nəsil qırıcıların yaradılması məsələsində öz imkanlarımızı inkişaf etdirmək nəzərdə tutulur. Ancaq əgər Rusiyada bizim ehtiyac və tapşırıqlarımıza cavab verən təyyarə olacaqsa, Türkiyə onu əldə edəcək” – deyə, Mustafa Barnak fikrini tamamlayıb.
Xatırladaq ki, ABŞ Türkiyəni "F35" proqramından kənarda qoyub.
"AzPolitika.info"
Şərhlər