ABŞ prezidenti Baydenin Rusiyaya yönəlik ittihamlarına Moskvadan daha bir cavab gəlib. Rusiya Xarici İşlər Nazirliyinin sözçüsü Mariya Zaxarova Baydenin Rusiyanın ABŞ-dakı seçkilər müdaxilə etməsinə dair iddialarını əsassız hesab edib və "dezinformasiya” adlandırıb.
Həmçinin Rusiyanın ABŞ-dakı səfiri Anatoliy Antonovun məsləhətləşmələr üçün Moskvaya dəvət edildiyini açıqlayıb.
“Sanki ABŞ gizli xidmətlərinin mövcudluğu və fəaliyyəti üçün ayrılmış nəhəng büdcəni bu cür sənədlərlə əsaslandırmaq istəyirlər" – deyə Zaxarova əlavə edib.
O, bir neçə ildir seçkilərə müdaxilə ehtimalını araşdıran ABŞ kəşfiyyatının eynii şeyləri təkrar etdiyini vurğulayıb.
Xatırladaq ki, “ABC News”-a verdiyi müsahibədə Bayden "Putinin bir qatil olduğunu düşünürəm" deyib və Moskvanını ABŞ seçkilərinə qarışmasının əvəzini ödəyəcəyini söyləyib.
Gültəkin
AzPolitika.info
Şərhlər