SƏRT KARANTİN REJİMİ İLƏ BAĞLI AÇIQLAMA - "Aprelin 5-dən sonra gözəlik salonları, restoranlar və..."
Azərbaycanda yoluxanların və ölənlərin sayı artan dinamika ilə davam edir. Elə bu səbəbdən də yenidən qapadılmaların olacağı ilə bağlı fikirlər səsləndirilir. Hətta aprelin 5-dən sonra restoranların, gözəlik salonlarının və geyim mağazalarının yenidən bağlanacağı da iddia edilir. Bəs bu iddialar nə dərəcədə həqiqəti əks etdirir?
Bununla bağlı Sonxeber.az-a danışan dosent Ədalət Rüstəm bildirib ki, Azərbaycanda son dövrlərin yoluxanların və ölənlərin sayının kəskin narahatedici məqamdır: "Reanimasiyalarda ağır xəstələrin sayı durmadan artmaqdadır. Əgər sərt tədbirlər görülməsə yoluxanların və ölənlərin sayı artma dinamikası davam edəcək. Bilirsiniz ki, artıq ölkəmizdə Britaniya ştammına yoluxanlar da var. Koronavirusun bu növü daha tez yoluxuculuq qabiliyyətinə malikdir.
Qaldı ki, karantin rejimi ilə bağlı qərar qəbul etmək Operativ Qərargahın səlahiyyətindədir. Operativ Qərargah epidemioloji vəziyyəti analiz edərək karantin rejimi ilə bağlı düzgün qərarı qəbul edəcək.
Düşünürəm ki, birinci və ikinci dalğada olduğu kimi yoluxma sayını artmasına səbəb olacaq müəssisələr yenidən qapadıla bilər. Hətta "evdə qal" karantini və "sms icazə" sisteminin geri qayıtması qaçılmaz olacaq. Aprelin 5-nə kimi yoluxma dinamikası bu cür artma dinamikası ilə davam edərsə, gözəlik salonları, restoranlar və xırda ticarət mərkəzləri yenidən bağlanıla bilər".
Şərhlər
Vaksinasiya olunanların sayı ilə ölənlərin sayı düz mütənasibdir...
Hökumətimiz dövlətimiz yaxşı fikirləşib sonra qərar verməlidir. Xəstəxanaya gedən ölür. Ancaq mən yaşlı adamam bu xəstəliyə yenə yoluxmuşam,ayaq üstə keçirirəm. Qripdir,bir az fəraqi var. Ancaq tam qapanma sosial problemləri dərinləşdirir. Vəziyyət çox pisdir. Toxun acdan xəbəri yoxdur deyə hərə bir qeyri-insani ideya irəli sürür.
Karantinlə xalqın başın qatmaq xəyanətdir.Dövlət üzərinə düşən vəzifələri yerinə yetirə bilmədiyinə,xalqın güzəranını yaxşılaşdıra bilməıdiyinə və iş yerləri yarada bilmədiyinə görə "karantin-karantin" oyunu qurur.