“Ali təhsil haqqında” qanun layihəsinin ilkin variantı hazırlanıb.
"Report"un xəbərinə görə, sənəd ali təhsilin təmin olunması sahəsində dövlət siyasətinin əsas prinsiplərini, ali təhsilin təşkilatı-hüquqi və iqtisadi əsaslarını, təhsilalanların və təhsilverənlərin hüquq və vəzifələrini, ali təhsil sahəsində sahibkarlıq, innovasiya fəaliyyətini və digər məsələlərin əsas müddəalarını, eyni zamanda ali təhsil sahəsində beynəlxalq əməkdaşlıqla bağlı məqamları, qaydaları müəyyənləşdirəcək.
Ölkənin rəqabət qabiliyyətli və dayanıqlı inkişafının təmini, yüksəkixtisaslı kadr hazırlığının əmək bazarının tələbinə və beynəlxalq ixtisas təsnifatına uyğunlaşdırılması, Azərbaycanda elmi, iqtisadi və sosial baxımdan daha səmərəli ali təhsil sisteminin formalaşdırılması, tədqiqat universitetlərinin yaradılması məsələləri yeni qanun layihəsində nəzərə alınıb. Bundan başqa, distant təhsil, təhsil kreditləri kimi cəmiyyəti narahat edən məsələlərə də sənəddə geniş yer verilib.
Şərhlər
Tədqiqat Universiteti olmur, Təhsil Universiteti olur! Tədqiqat (oyrədən yox, araşdırıb-öyrənən) İnstitutu olur! ABŞda elmi-tədqiqat işləri də əsasən Təhsil Universitetlərində aparılır. SSRİdə isə xüsusi təyinatlı Tədqiqat İnstitutları fəaliyyət göstərirdilər. Texniki və itisadi tərəqqini, İcnimai-siyasi formasiyanı heç bir lider, nə Partiya Komitəsi, nə də Ali Sovet deyil müvafiq institutlar layihə kimi işləyib, müzakirəyə verirdilər?