Hesablama Palatası ötən il üçün qurumlarda aparılan kənar dövlət maliyyə nəzarəti barədə yekun nəticəni açıqlayıb.
“Report”un xəbərinə görə, “Azərbaycan Respublikası Hesablama Palatasının 2020-ci ildə fəaliyyəti haqqında” hesabat sənədinə əsasən, ən çox nöqsan Kütləvi İnformasiya Vasitələrinin İnkişafına Dövlət Dəstəyi Fondunda (30 hal) qeydə alınıb.
Nöqsan hallarının sayına görə ikinci yerdə Aqrar Xidmətlər Agentliyi (29 hal) gəlir. Üçüncü yerdə isə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası (26) qərarlaşıb.
Bildirilib ki, ötən il başa çatdırılmış 34 audit üzrə nəticələr ümumiləşdirilərək 452 halda nöqsan müəyyən edilib.
Qeyd edək ki, hesabat aprelin 8-də Milli Məclisin İqtisadi siyasət, sənaye və sahibkarlıq komitəsinin iclasında müzakirəyə çıxarılacaq.
Şərhlər
QHT-lərə ödənişlər ciddi nəzarət altında olmalıdır.Rusiya kəşfiyyatına xidmət edənlər,keçmiş Polyaniçkoya xidmət edən casus şəbəkəsi hazırda öz işlərini QHT-lərə göstərilən yardımlar əsasında qurur.Başda da "Avrasiya mətbuat fondu" deyilən qurumun rəhbəri,keçmiş Polyaniçkonun şəbəkəsinin üzvü Umud Mirzəyevi buna misal göstərmək olar.Hazırda U.Mirzəyev anti Rusiya mövqeyində olanları izləməklə məşğuldur.