İranın nüvə razılaşmasına qayıtmaq məsələsinə dair danışıqlar zamanı ABŞ və Avropa ölkələrinin irəli sürdükləri yeni tələblər Tehran tərəfindən qəbul edilməyəcək.
“Report” “Press TV”-yə istinadən xəbər verir ki, mənbələrin verdiyi məlumata görə, Qərb ölkələri nüvə proqramı ilə bağlı Müştərək Əhatəli Fəaliyyət Planında (JCPOA) təsbit edilən bəzi sanksiyaları ləğv etmək müqabilində son vaxtlar işə salınan yeni nəsil sentrifuqaların sökülməsini istəyir.
Belə ki, JCPOA-ya görə, İran “IR-4”, “IR-6”, “IR-9” tipli təkmilləşdirilmiş sentrifuqaları dayandıraraq Beynəlxalq Atom Enerjisi Agentliyinin nəzarətinə verməli, onları sökməməlidir. Mənbələrə görə, Qərb ölkələri bu tələbdə israr edərsə, İran hökuməti nəinki danışıqlar prosesini, hətta bütövlükdə JCPOA-ya qayıtmağı da rədd edə bilər.
Şərhlər
Deyəsən Amerika da iranın nüvə silahını əldə etməsilə barışıb.iranı özbaşına buraxmaq olmaz. iranın nüvə silahını əldə etməyinə çox az qalıb. Haradadı bizim yahudi qardaşlarımız?