Vladimir Putin İlham Əliyevə telefonla zəng edib
Mayın 10-da Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə telefonla zəng edib.
Prezidentin Mətbuat Xidmətindən "Report"a verilən məlumata görə, telefon söhbəti zamanı dövlət başçıları Böyük Vətən müharibəsində Qələbənin 76-cı ildönümü münasibətilə bir-birini səmimi təbrik edərək vurğulayıblar ki, hər iki ölkədə xilaskar döyüşçülərin şücaəti haqqında xatirə müqəddəs tutulur, misilsiz qəhrəmanlıq və fədakarlıq göstərmiş veteranlara dərin minnətdarlıq bildirilir.
Hər iki tərəfin Rusiya-Azərbaycan hərtərəfli qarşılıqlı fəaliyyətinin daha da genişləndirilməsi əzmində olduğu təsdiqlənib.
Söhbət zamanı dövlət başçıları müxtəlif səviyyəli təmasların bundan sonra da davam etdiriləcəyini vurğulayıblar.
Şərhlər
.......putin , NIYE , cavab vermirsen Azerbaycan Xalqina , 9M723 " ISGENDER - M ", QADAQAN OLUNMUSH RAKETLERDEN , ZERBELER VURDUN Azerbaycanin ERAZILERINE ??????? ........putin , senin Azerbaycana qarshi toretdiyin HERBI CINAYETLER - in adi , " dostluq " sayilir ???????