“Bakı Çinar Soyuducuları” ASC ötən ili 142 min manat zərərlə başa vurub.
“Report” xəbər verir ki, bu, 2019-cu illə müqayisədə 27,9 % çoxdur.
Ötən il “Bakı Çinar Soyuducuları”nın əməliyyat gəliri 360,9 min manat (illik müqayisədə 33,3 % çox), sair əməliyyat gəliri 699 min manat (2,3 dəfə çox), o cümlədən istifadə edilmiş material ehtiyyatları 323 min manat (77,5 % çox), işçi heyəti üzrə xərclər 75,7 min manat (40,2 % çox), amortizasiya xərcləri 144 min manat (17,7 % az), sair əməliyyat xərcləri isə 659 min manat (2,4 dəfə çox) təşkil edib.
Bu il yanvarın 1-nə “Bakı Çinar Soyuducuları”nın aktivləri 4,965 milyon manat olub ki, bu da, illik müqayisədə 5,5 % azdır. Hesabat dövründə şirkətin öhdəlikləri dəyişməyərək 2,367 milyon manat, balans kapitalı isə 10 % azalaraq 2,598 milyon manata enib.
Xatırladaq ki, “Bakı Çinar Soyuducuları” kommersiya qurumu kimi 1959-cu ildən fəaliyyət göstərən Bakı Soyuducular zavodunun bazasında 2002-ci ildə yaradılıb. Zavodun nizamnamə kapitalı 1,781 milyon manatdır.
Şərhlər
Bu zavodun nə istehsal etdiyi,orada işçilərin sayı,bəlli olnadlğlndan və "Bakl" və ya "Çinar" markalı soyuduculara mağazalarda rast gəlinmədiyindən belə bir möhtəşəm zavodun nə etdiyi vətəndaşlara bəlli deyilAxı zavodun 500-300 və daha qrtıq işçisi və istehsak etdiyi məhsul tanınar.ua