"RUSİYA MÜHARİBƏDƏ BİZƏ XƏZƏRDƏKİ HHM SİSTEMLƏRİLƏ KÖMƏK EDİRDİ" - Ermənistanın sabiq baş naziri

“Qarabağ müharibəsi günlərində səmanı mütəmadi olaraq ruslar bağlayırdı. Bu, onların bizə köməyi idi, hansı ki, bunu etməyə də bilərdilər.”

Bunu Ermənistanın sabiq baş naziri, müxalifətdəki “Azadlıq” partiyasının sədri Qrant Baqratyan deyib.

“AzPolitika.info” xəbər verir ki, sabiq baş nazir erməni jurnalistlərlə görüşündə maraqlı faktlardan söz açıb.

Baqratyan bildirib ki, Qarabağdakı 44 günlük savaşda Rusiya erməni silahlı birləşmələrinə özünün Xəzər dənizində yerləşən Hava Hücumundan Müdafiə(HHM) sistemləri vasitəsilə kömək edib və Qarabağda hava məkanını bağlayıb: “Bizdə narazılıq edirlər ki, noyabrın 4-də niyə havanı açdılar? Biz Rusiyanın Xəzər dənizində yerləşən HHM sistemlərindən istifadə etmişik. Müharibənin ilk günündə düşmən iki saatın içində bizim idarəetmə məntəqəmizi dağıtdı, hansı ki, nədənsə Şuşada yerləşdirilmişdi. Əvvəl o, Çobankarada (Ermənistanda rayon-red.) yerləşirdi. Hansı axmaq onu hərbi əməliyyatlar ehtimalının yüksək olduğu “artsax”a köçürmüşdü?”

Göründüyü kimi, Baqratyanın bu açıqlaması kifayət qədər sensasion xarakter daşıyır. Əgər sabiq baş nazirin söylədikləri həqiqətdirsə, bu, bir daha Rusiyanın Qarabağ münaqişəsindəki neytrallığı və sülhpərvərliyi barədə deyilənlərin cəfəngiyyat olduğunu təsdiqləmiş olur.

Cəlal

“AzPolitika.info”

635x100

Şərhlər

Niyaməddin 2021-06-18 21:52:53

Milyonlarla belə faktlar var, biz isə gətirib soxmuşuq döyüşməramlıları müqəddəs torpaqlara. Şərəfsizlərin dərhal torpaqlarımızdan rədd olunmasını tələb edirik!

Ali 2021-06-18 20:49:16

Bunun dediyinden bele cixir ki, biz tekce ermenistani yox hemde rusiya federasiyasina qalib gelmishik?

Xalq 2021-06-18 17:29:03

rusiya Xankəndini, Ağdərəni, Xocalını və Şuşa, Kəlbəcər, Laçın şəhərlərinin kəndlərində erməniləri məskunlaşdırır. Bundan artıq Azərbaycana pislik eləmək olarmı

Roma 2021-06-18 17:02:43

Rusiya məkrli hiyləgər siyasət yürüdən dövlətdir, onunla düzgün və sərt danışıqlar aparılmalıdır...

Son yazılar