Prezident İlham Əliyev "Salyan rayonunun Salyan–Neftçala magistralını Kür Qaraqaşlı, Beştalı, Cəngan, Xocalı və Ərəbqardaşbəyli kəndləri ilə birləşdirən avtomobil yollarının tikintisi ilə bağlı tədbirlər haqqında" sərəncam imzalayıb.
Sərəncamla Salyan–Neftçala magistralını 6 min nəfər əhalinin yaşadığı Kür Qaraqaşlı, Beştalı, Cəngan, Xocalı və Ərəbqardaşbəyli kəndləri ilə birləşdirən avtomobil yollarının tikintisi məqsədilə “Azərbaycan Respublikasının 2021-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.1.14-cü yarımbəndində göstərilmiş məbləğin 6,8 milyon manatı Azərbaycan Avtomobil Yolları Dövlət Agentliyinə ayrılıb.
Şərhlər
Cənab Prezident ! Şəkinin kəndlərini demirəm, şəhərin küçələrinin yolları bərbad vəzyyətdədir.... Ayrılan pullar öz təyinatı üzrə xərclənmir, odur ki, köklü surətdə yoxlama aparılmalı, səlahiyyətli şəxslər cəzalandırılmalıdır...İndiki dövrdə şəhərin küçələrinin yolları daş-kəsəkli olar.... Şəkinin vəziyyəti bu barədə dözülməzdir ?