HİKMƏT HACIYEV SÜLHMƏRAMLILARIN MANDATINDAN DANIŞDI - "Müzakirələr hələ davam edir"
"Qarabağda Rusiya sülhməramlılarının mandatı ilə bağlı əlavə hüquqi mexanizmlər məsələsi barədə müəyyən müzakirələr hələ davam edir". Bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BBC-yə deyib.
O, Qarabağda Rusiya sülhməramlılarının fəaliyyəti və əməliyyatlarının Azərbaycan, Rusiya və Ermənistan liderlərinin imzaladıqları 10 noyabr tarixli Üçtərəfli bəyanatına əsasən həyata keçirildiyini qeyd edib.
Hacıyevin sözlərinə görə, 10 noyabr Üçtərəfli razılaşması sülhməramlı qüvvələr üçün "siyasi və müəyyən dərəcədə hüquqi çərçivəni" müəyyən edib.
"Əlavə razılaşmalara və sülhməramlıların mandatı barədə əlavə hüquqi mexanizmlər məsələsinə gəldikdə, tərəflər arasında bu barədə ilkin kontaktlar olub və müəyyən müzakirələr hələ davam edir", - Hacıyev bildirib.
"Bütün Qarabağ Azərbaycanın suveren ərazisidir, beynəlxalq ictimaiyyət Azərbaycanın ərazi bütövlüyünü və suverenliyini tanıyır və 10 noyabr bəyanatına uyğun olaraq sülhməramlı qüvvələr Azərbaycanın Qarabağ bölgəsinin müəyyən bir hissəsində müvəqqəti olaraq yerləşdiriliblər", - Prezidentin köməkçisi qeyd edib.
Onun sözlərinə görə, hazırda bütün işğaldan azad olunmuş ərazilərdə yeni rekonstruksiya işləri başlayır.
"Qarşımızda duran indi əsas məsələ həmin ərazilərdə quruculuq, rekonstruksiya işlərini həyata keçirməkdir. Son 30-40 ildə dünya miqyasında dövlətlərin bu qəbildən və bu miqyasda üzləşdikləri rekonstruksiya layihələri olmayıb", - Hacıyev vurğulayıb.
Şərhlər
Eldəniz qardaş, tamamilə haqlısınız! Bütün imperialistlər bu məqsədlə xidmət edir. Hamısının kökü kəsilsin, inşə Allah kəsiləcək! İnsanları dindən, imandan, sudan, bir parça çörəkdən məhrum elədilər. Sağlam insanlara xəstəlik, xəstələrə acı həyat, ölüm gətirdilər. Əxlaqsızlığı təbliğ edərək insanların iradəsini zəiflətdilər... Allah köməyimiz olsun! Amin!
Sülhməramlı adı altında torpaqlarımıza soxulan rus əsgərinə mandat vermək o deməkdir ki , rus buradan çıxan deyil...4 il 2 ay vaxt qalır vaxt bitən kimi Ivani göndərmək lazım evinə , Rusiya imperiyası heç zaman heç yerə sülh gətirməyib .Ancaq qan felekat aclıq gətirib...200 ildə başımıza gələn faciələrin baş memarı Rusiya imperiyasıdir ...