APA TV-nin Qaynar xəttinə müraciət edən Axundov Kamran Şəmistan oğlu Abşeron rayon Dövlət Yol Polisi Şöbəsinin iki əməkdaşı - Bəhruz Ağayev və Tural Yolçuyev tərəfindən təzyiqə məruz qaldığını iddia edir.
O bildirir ki, Sumqayıt şəhərindən yaşadığı Xırdalan şəhərinə gələrkən yaşadığı fərdi yaşayış evinə gedən yolun bağlı olduğunu görüb. İçində ailəsinin də olduğu “Mercedes” markalı avrtomobillə geriyə dönüş edib şossedə hərəkətini davam etdirmək istəyib. Bu zaman Abşeron Dövlət Yol Polisi Şöbəsinə məxsus 99-YP-172 dövlət yol nişanlı “KİA” markalı avtomobil 99-AE-063 dövlət yol nişanlı avtomobilə saxla əmri verir. Vətəndaş Axundovun dediyinə görə o avtomobildən düşdükdə serjant Bəhruz Ağayev və Tural Yolçuyev onun içkili olduğunu iddia edib. Daha sonra tərəflər arasında mübahisə düşüb.
Kamran Axundov iddia edir ki, polis serjantları ona qarşı nalayiq ifadələr işlədərək, əl-qol atıblar, mobil telefondan istifadə etməməyi tapşırıblar. Sürücü bu barədə Daxili İşlər Nazirliyinin 102 qaynar xəttinə müraciət edib. Bundan sonra Yol Polisi əməkdaşları ərazini tərk ediblər. Sürücü isə sərxoşluğun yoxlanılması məntəqəsinə gedərək sərxoş olmadığını təsdiqləyən sənəd əldə edib. O müvafiq qurumlara müraciət edərək fiziki təzyiqə məruz qalaraq ailəsinin yanında təhqir olunduğunu çatdırdı.
Məsələ ilə bağlı Baş Dövlət Yol Polisi İdarəsinin ictimaiyyətə əlaqələr şöbəsinin rəisi polkovnik-leytenant Namidan Piriyevlə əlaqə saxladıq.
O APA TV-yə açıqlamasında bildirib ki, vətəndaşın iddiası ərazi üzrə polis bölməsində araşdırılır.
Şərhlər
Eh ay Kamran, bu boyda problem yaratmısan, əvvəla polis yaxınlaşaraq birbaşa təhqirə keçməsi inandırıcı görünmür, ikincisi içkili olub0olmamanı polis də aparıb tibb məntəqəsində yoxlatdırmalıdır, üçüncüsü belə xırda məsələnin saytlara düşməsi bazar müdürinə yaraşmaz...
ishverenlerden sigortalanmaq ucun masindan dushmeyin :) ve videoregistratorun IRI HECIMlisinDEN alin :)