İRAN DAYANMIR: TIR-lar İrəvana nə daşıyır? – VİDEO
İrandan gələn TIR-ların Gorus-Qafan yolunun Azərbaycan ərazisinə düşən hissəsindən yan keçməklə Ermənistana yük daşıdığını əks etdirən video yayılıb.
"AzPolitika" "axar.az"a istinadla xəbər verir ki, erməni sosial şəbəkə istifadəçiləri dolambac və sərt döngələrdə İran yük maşınlarının ciddi problemlər və təhlükələrlə üzləşdiyi, buna baxmayaraq, sisternlər və böyük yük maşınları ilə daşımaları davam etdirdiyini qeyd ediblər.
Videodan da aydın görünür ki, İran yük maşınları ardarda düzülüb və Gorus-Qafan yolunun Azərbaycan ərazisinə düşən 21 kilometrlik hissəsindən yan keçərək, təhlükəli yola baş vuranlar sisternlərdən daha çox, fərqli yüklər daşıyan TIR-lardır. Bu isə ciddi suallar yaradır.
Gorus-Qafan yolundakı Azərbaycan postu İran yük maşınlarından tranzit haqqı alır və bu, o yüklər üçün o qədər də böyük məbləğ sayılmır. Maraqlıdır, necə olur ki, TIR-lar 100-150 dollara tranzit ödəməmək üçün ən təhlükəli yoldan istifadə edirlər? Nəzərə alsaq ki, həmin yoldan istifadə edən ağır yük maşınlarının amortizasiyasına tranzit pulundan daha çox vəsait xərclənməsi tələb olunur. Eyni zamanda, bu təhlükəli yolda artıq 3 İran TIR-ı qəzaya uğrayıb və ölüm baş verib.
İran TIR sürücülərinin qəzanı, nəqliyyatın hərəkətində ciddi maneəni nəzərə almaması və daha artıq amortizasiya xərcləri çəkməsi, “ölümü göz altına alma”sının 100 dollar tranzit haqqına görə olduğunu düşünmək isə mübahisəlidir. Burda yalnız iki ehtimal ola bilər: ya İran öz yük maşınlarına Azərbaycana xeyir verməmək üçün bu təhlükəli yoldan istifadəni qəti şəkildə tapşırıb, ya da İran TIR-larından bəzilərinin bu yolu seçməsinin səbəbi daşıdıqları yükün gizli qalmasını təmin etmək üçündür.
Maraqlıdır, İran TIR-ları Ermənistana nə daşıyır? Niyə TIR-larla yüklərin daşınması kəskin artıb?
Şərhlər
iran maşınları oyolu 1 dəfə gedib 2-ci dəfə getməyəcək.
Göresen İranın dini liderleri niye en gözel din olan İslam dininin deyerlerini niye bu qeder aşağılayır,meqsed nedir.Ne vaxtdsn din xadimleri siyasetle meşğul olmağa başlayıblar.Axı Qursni Kerimde de deyilir ki,müselman müselmanın qardaşıdır.Bunlar niye bizi yox ermenini aardsş seçirler.Demeli bunlar müselman deyiller.Niye bizim Şeyx ya onun nümayendesi seslerini çıxarmırlar yoxsa onlar da ermenini iranlı mollalar kimi qardaş hesab ecirler Dinin de ay din xadimlerimiZ
Niyaməddin, demək hasandır. Laçın dəhlizi bağlansın, Türkiyə gəlsin hərbi bazasını qursun Azərbaycanda.
Sheyximiz biler yeqinki , ne dashiyirlar iran tirleri ))
Sheyximiz fetvalarni verib , oa qôrede dayanmirlar )))
Laçın koridorunun dərhal bağlanmasını tələb edirik. Bu qədər özbaşınalıq, sadəlövhlük olmaz. Ağzımıza su alıb oturmuşuq. Dövlət dərhal bu məsələni həll etməlidir. Bir tərəfdən rus, bir tərəfdən iran ermənistana, Xankəndinə silah daşıyır. Qırılan yenə ac, kasıb, məsum insanlar olacaq. Buna görə də dərhal Türk hərbi bazaları Azərbaycanda qurulmalıdır. Bu düşmənlərimizə öldürücü zərbə olacaq.