"Bu gün Ağır Cinayətlər Məhkəməsində atam Eldar Həsənovun səhhətində ciddi problem yarandığına görə məhkəmə 1 saat gec başladı. Onu hər iki qolundan tutaraq sürüyə-sürüyə zala gətirdilər. Şahid ifadələri dinlənilməliydi, amma atamın vəziyyəti daha da ağırlaşdı və yenə onu xərəkdə təcridxanaya qaytardılar".
"AzPolitika.info" xəbər verir ki, bunu keçmiş səfir Eldar Həsənovun qızı Səbinə Hüseynova "Facebook" səhifəsində yazıb.
O bildirib ki, atası yüksək təzyiq, yüksək şəkər, baş gicəllənməsindən əziyyət çəkir: "Onun müayinə sənədlərini Türkiyədə atamı müalicə etmiş həkimlərə göstəririk, şoka düşürlər. Deyirlər ki, belə bir xəstəni nəinki həbsxanada saxlamaq, ümumiyyətlə, təkbaşına bir addım atmasına belə imkan vermək olmaz. Təcili xəstəxanaya yerləşdirilməli, müalicə və cərrahi əməliyyat olunmalıdır".
"AzPolitika.info"
Şərhlər
Eldar chox insanlara zulm etmish ...insandi
Allah köməyi olsun hec bir insanlığa sığmır bunun adı qisasdır qərəzdir.