UNEC rektoru professor Ədalət Muradov tələbə-rektor və tələbə təşkilatlarına sədrlik iddiasında olan namizədlərlə görüşüb.
Görüşdə namizədlərin təbliğat-təşviqat kampaniyasının təşkili, seçkiyə hazırlığın vəziyyəti barədə müzakirələr aparılıb. Bildirilib ki, namizədlərin müəyyən olunması üçün təşkil edilən müsabiqə imtahanında dünyanın aparıcı universitetlərinin təcrübəsi tətbiq olunub. Müsabiqədən uğurla keçən 34 namizədin hər biri UNEC-in rəsmi sosial şəbəkələrində, eləcə də Radio UNEC-də öz təbliğat-təşviqat kampaniyasını apara bilər. Təşviqat kampaniyası noyabrın 14-də dayandırılacaq.
Tədbirdə UNEC Ekstern Mərkəzinin direktoru Zaur Əzizov onlayn səsvermə platforması barədə ətraflı məlumat verib. Bildirilib ki, tələbə şəxsi kabinetindən hər təşkilatdan bir namizədə bir dəfə səs verə biləcək. Səsvermə qaydaları barədə videotəlimat seçkidən öncə tələbələrin şəxsi kabinetlərinə göndəriləcək.
Onlayn səsvermə UNEC-in rəsmi Youtube kanalında canlı yayımlanacaq. Həmçinin facebook səhifəsində seçkinin gedişi barədə məlumatların operativ çatdırılması məqsədilə canlı bağlantılar olacaq.
Görüşdə tələbələr təkliflərlə çıxış ediblər. Onlayn səsvermənin 15 noyabr saat 09.00-20.00-dək keçirilməsi qərara alınıb.
Şərhlər
Sovet döneminde Xalq Teserrüfatı İnstitutu kimi tanınan tehsilden başqa her şey tedris olunan bu tehsil ocağı bir neferin canyanğısı ve peşekarcssına çekdiyi zehmetin hesabına bu gün ölkenin nümunevi bir tehsil müessisesine çevrilib,demeli her bir yenilikde,islahatda Şexsiyyetin rolu danılmazdır.İnşaallah ölkede aparılan islahatların neticesinde ölkede çıx güclü bir kadr potensialı ve bankı yaradılar.Buz ona doğru gedirik ve bu yolda bizim geleceyimiz olan Genclerimize çıx böyük ümidler var qelbimizde.