MİT-dən UĞURLU ƏMƏLİYYAT - PKK liderlərindən birinin cangüdəni Türkiyəyə gətirildi + VİDEO (Yenilənib)

Türkiyənin Milli İstihbarat Təşkilatının (MİT) keçirdiyi uğurlu əməliyyat nəticəsində PKK/KCK terror təşkilatının üzvlərini tutub. “Mazlum Jir Agiri” kod adlı Əmrah Adığözəl və “Sarina/Diljin” kod adlı Pərvin Aslan Türkiyəyə gətirilib.

Terror təşkilatına 2012-ci ildə qatılaraq Şimali İraqda fəaliyyət göstərən Ə.Adıgözəl PKK/KCK-nın söz sahibi şəxslərindən olan Duran Kalkanın mühafizəçilərindən olub. O fəaliyyət göstərdiyi Sincar ərazisində təşkilatın “kəşfiyyat işlərindən” məsul olub.

P.Aslan İraqın Metina bölgəsində və Suriyanın şimalında təşkilatın hücum, təxribat və sui-qəsd dəstələrində fəaliyyət göstərib.

***

Türkiyə Milli Kəşfiyyat İdarəsi (MİT) PKK/KCK terror qruplaşmasına qarşı yeni əməliyyat keçirib. “Report” xəbər verir ki, bu barədə ölkənin Milli Müdafiə Nazirliyi məlumat yayıb.

Nəticədə qruplaşmanın rəhbərliyində təmsil olunan Pərvin Arslan və Əmrah Adıgözəl həbs olunublar. Ə.Adıgözəl terror təşkilatının rəhbərlərindən Duran Kalkanın mühafizəçisi olub.

Terrorçular Türkiyəyə gətiriliblər və hüquq-mühafizə orqanlarına təhvil veriliblər. Lakin əməliyyatın hansı ölkədə keçirildiyi açıqlanmayıb.