Əli Həsənovun polkovnik oğlu vəzifəsindən çıxarıldı

Baş nazirin sabiq müavini Əli Həsənovun Daxili İşlər orqanlarında çalışan oğlu vəzifəsindən azad olunub.

"Qaynarinfo" xəbər verir ki, Daxili İşlər naziri, general-polkovnik Vilayət Eyvazovun müvafiq əmri ilə bir müddət əvvəl DİN-in Baş Narkotiklərlə Mübarizə İdarəsində şöbə rəisi, polis polkovniki Emin Həsənov vəzifəsindən çıxarılaraq sərəncama götürülüb.

Qeyd edək ki, Emin Həsənov bundan əvvəl Binəqədi Rayon Polis İdarəsinin rəis müavini vəzifəsində çalışıb.