"Fransa prezidentliyinə namizəd Valeri Pekrezin Qarabağa səfəri beynəlxalq hüquqa ziddir". Bunu “Report”a rusiyalı politoloq, milli münaqişələr üzrə ekspert Yevgeniy Mixaylov bildirib.
“Məncə, o, prezident kürsüsünə namizədlər arasında nüfuzsuz olduğu üçün bu yolla Fransanın böyük erməni icmasından dəstək umur. Ona heç rəsmi Parisin mövqeyi də o qədər maraqlı deyil, hərçənd Paris də bəzi hallarda Azərbaycana qarşı ikili oyun oynayır”, - politoloq deyib.
Onun fikrincə, Valeri Pekrez Ermənistana səfərindən hər hansı siyasi dividend əldə edə bilməyəcək.
Eyni zamanda rusiyalı ekspert qeyd edib ki, Ermənistan baş naziri Nikol Paşinyan nə qədər Türkiyə və Azərbaycanla münasibətləri yoluna qoymağa tərəfdar kimi görünməyə çalışsa da, bu kimi səfərlərə rəvac verir. Belə ki, rəsmi İrəvan məlum üçtərəfli bəyanatın şərtlərini yerinə yetirməkdən boyun qaçırmağa çalışır.
“Məncə, yaxın illərdə İrəvanın bu təxribatçı addımlara son verəcəyini gözləmək əbəsdir. Ermənistan sülh sazişi üçün zəruri olan sərt şərtlərlə küncə sıxışdırılanadək artıq mövcud olmayan Qarabağ kartını oynamaq cəhdlərinə davam edəcək”, - ekspert vurğulayıb.
Şərhlər
Dünya Fahişe dünyasıdır ona göre de Fahişe Siyasetçiler meydan sulamaq ezmindedirler ,etsinler ,30 ilde neye nail olublarsa bundan sonra da ona nail olacaqlar.
Bu məsələ rəsmi olaraq Putinə çatdırılmalı və ondan Laçın dəhlizində nəzarətdə Azərbaycan tərəfin iştirakl tələb və təmin ediməlidir.Bir il keçib.ancaq bizimkilər nədənsə bu məsələni qaldırnırlar.Əgər Xankəndində sülhməramlılae yerləşibsə niyə Xankəndinin Azərbaycan əhalisi oraya qaytarılmır? Bizimkilərin nəyi gözlədikləri anlaşılmır.