Belarusda 2020-ci ilin prezident seçkisindən sonra diktator Aleksandr Lukaşenkonun repressiyaları əsnasında çox sayda idmançı təqib olunub. Belarusun iki xizəkçisi də bu sıradadır, onlara yarışlardan çıxarıldıqlarını bildiriblər. Ölkənin idman rəsmiləri idmançıları siyasi müxalifəti dəstəkləməkdə ittiham ediblər.
Svetlana Andryuk və Darya Dalidoviç "Reuters" agentliyinə deyiblər ki, Belarus Xizəkçilik İttifaqı onların fərdi idmançı qeydiyyatını ötən ay ləğv edib və onlar bu səbəbdən Beynəlxalq Xizəkçilik Federasiyasının, Pekin Olimpiadasının seçmə yarışları da daxil beynəlxalq idman turnirlərində iştirak edə bilməyəcəklər.
Andryuk və Dalidoviçin dediyinə görə Belarusun Xizəkçilik Federasiyasının rəhbəri Aleksandr Daraxoviç noyabr ayında onların yarışlarda iştirakına qadağan qoyulması barədə göstəriş verib. Həm də Minsk merinin müavini olan Daraxoviçlə danışmaq mümkün olmayıb.
Beynəlxalq Xizəkçilik Federasiyası "Reuters" agentliyi ilə söhbətində idmançıların qeydiyyatının ləğv olunduğunu təsdiqləyib.
22 yaşlı Andryuk deyir ki, o öz siyasi baxışlarını heç vaxt açıq ifadə etməyib. İdmançı əlavə edib ki, o ölkədə baş verən siyasi hadisələrdə neytral mövqe tutub. 17 yaşlı Dalidoviç isə güman edir ki, ona qarşı belə addım atılmasına atasının siyasi baxışları səbəb ola bilərdi. Onun atası, yeddi dəfə olimpiada iştirakçısı Sarhey Dalidoviç 2020-ci ildə anti-Lukaşenka etirazlarında iştirak edib.
Belarus İdmanla Həmrəylik Fondu yanvarın 11-də sosial mediada bildirib ki, hər iki xizəkçinin beynəlxalq yarışlara buraxılması üçün Beynəlxalq Xizəkçilik Federasiyasına müraciət edilib.
Belarus İdmanla Həmrəylik Fondu 2020-ci ilin avqustunda təqaüddə olan Belarus üzgüçüsü Aleksandra Herasimenya tərəfindən təsis edilib. Bu fond hakimiyyət tərəfindən təqiblərə məruz qalan idmançılara maliyyə və hüquq dəstəyi verir.
Bu yaxınlarda Belarusun idman rəsmiləri qaçışçı Kristina Tsimanavskayanı Tokio Olimpiadasından zorla Belarusa göndərməyə çalışmışdlar.
O həmin rəsmiləri sosial mediada tənqid etmişdi. Buna görə idmançı Tokiodakı Polşa səfirliyinə sığınmış və iki gün sonra təyyarə ilə Varşavaya çatdırılmışdı. O hazırda Polşada siyasi sığınacaq alıb. (azadliq.org)
Şərhlər
lukaşenkonun hərəkətlərini analiz etsək görərik ki, bunun kimilər üçün artıq ssri qurulub.
Bunlar nece insanlardır.Sen Prezidentsen başa düşdük,özün bir prezident ,bir kişi kimi kimnse qabağına çıxmaq qüdretindr deyilsen,qaçıb Putinin dslında gşzlenib ona buna qorxu gelirsen.Bes sen nece bşr insan kimi ,bir kişi kimi övladların yaşda olan gücsüz qsdınlara hede qorxu gelib Veteninden didetgin salırsan.Göresen Putin kimiletine arxayın olub öz milletine buynuz gösterenler gec tez öz milletinin qezebine düçar olacaqlarını tesevvür edirlermi?