BMT-nin Beynəlxalq Əmək Təşkilatı (BƏT) bildirib ki, “Taliban” tərəfindən ələ keçirilən Əfqanıstanda yarım milyondan çox insan işini itirib və işindən qovulub.
Birləşmiş Millətlər Təşkilatının bəyanatında qadınların xüsusilə ağır zərbələrə məruz qaldığı bildirilib. Bu ilin ortalarına qədər Əfqanıstandakı böhran və qadınların iş yerlərində iştirakına məhdudiyyətlər nəticəsində iş yerlərinin itirilməsinin təxminən 700,000-ə qədər artacağı gözlənilir, ən dəhşətli proqnozlarla 900,000-i ötəcək.
Beynəlxalq Əmək Təşkilatının (BƏT) Əfqanıstan üzrə baş əlaqələndiricisi Ramin Behzad deyib ki, Əfqanıstandakı vəziyyət kritikdir və sabitləşmə və bərpa üçün təcili dəstək tələb olunur: “Prioritet təcili humanitar ehtiyacların ödənilməsi olsa da, davamlı və əhatəli bərpa insanların və icmaların layiqli məşğulluq, dolanışıq vasitələri və əsas xidmətlərə çıxışından asılı olacaq”.
“Khaama Press”in xəbərinə görə, Əfqanıstanın Mədən və Sənaye Palatasının rəhbəri Şerbaz Kaminzadə bildirib ki, Əfqanıstanın aktivləri dondurulmasa, ölkədə dağılmaq üzrə olan fabriklər tamamilə bağlanacaq. Ş.Kaminzadə Əfqanıstanın son iyirmi il ərzində qeyri-real və zəif iqtisadiyyata malik olduğunu deyib və Əfqanıstan İslam Əmirliyi (IEA) və Beynəlxalq Birlikdən iqtisadiyyatın inkişafı üçün əfqan sənayeçiləri ilə əməkdaşlıq etməyi xahiş edib. O, xəbərdarlıq edib ki, nağd pul çatışmazlığı və xammal tədarükünü çətinləşdirən bank sistemindəki məhdudiyyətlər 500 mindən çoxu qadın olmaqla, 1,5 milyon insanı işsiz qoyacaq.
Avqustun ortalarında “Taliban”ın hakimiyyəti ələ keçirməsindən sonra ABŞ Əfqanıstanın 10 milyard dollara yaxın aktivlərini dondurub və İslam Əmirliyinə qarşı sanksiyalar tətbiq edib.
L.SƏMLA
AzPoltika.info
Şərhlər