2021/2022-ci tədris ilində ödənişli təhsil alan 1-ci kurs tələbələrdən 40 719 nəfəri təhsil krediti almaq hüququ var.
"Report" xəbər verir ki, bunu Təhsil Tələbə Krediti Fondunun İdarə Heyətinin sədri Araz Paşayev deyib.
Onun sözlərinə görə, həmin tələbələrdən 21 364-ü bakalavr, 6 522 nəfəri magistr, 12 833 nəfəri isə subbakalavrdır.
A.Paşayev əlavə edib ki, ümumilikdə təhsil haqqını ödəyən tələbələrin sayı 126 173 nəfərdir: "Onların 28 674-ü akademik borcu olanlardır. Bu da həmin tələbələrin 20-30 %-ni təşkil edir. 41 291-inin ümumi orta müvəffəqiyyət göstəricisi 71 baldan aşağıdır. Bu da 30-40 % təşkil edir".
Sədr qeyd edib ki, Azərbaycanda 15 və yuxarı yaşlı əhalinin hər 1000 nəfərindən 972 nəfəri ali, orta ixtisas və orta təhsilə malikdir: "Əhalinin hər 10000 nəfərinə düşən tələbələrin sayı 200 nəfərdir. Bu rəqəm orta ixtisas təhsili müəssisələrində 63 nəfərdir. Bütün əyani təhsil alan tələbələrin 59,5% ödənişli təhsil alan tələbələrdir, o cümlədən bakalavriat səviyyəsi üzrə 58,5%, magistratura səviyyəsi üzrə 62.8% və subbakalavriat səviyyəsi üzrə 61% ödənişli təhsil alır".
Şərhlər
Azərbaycanın bu qədər diplomlu.savadsız "mütəxəssislərə" ehtiyacı varmı? Olmaz ki,hər kəs öz biliyi dərəcəsində ölkəyə lazım olan təhsili alsın?AZərbaycan kimi yeraltı və yerüstü sərvəti olan ölkədə təhsil pulsuz olmalıdır.Eyni zamanda təhsil almaq üçün kontinget ölkə tələbatı üzrə konkurs əsasında seçilməli və keyfiyyətli ytəsil təşkil edilməlidir.Gəçcləri yarımçıq və mükəmməl olmayan təhsillə kor etmək ən ağır cinayətdir və ölkəyə ağır zərbədir.Bu sahəy siddi yanaçılmalıtəhsil möhtəkirlərdən azad olunmalıdır.