Daxili İşlər Nazirliyi (DİN) Ağcabədi rayonunda qadının qətli ilə bağlı açıqlama yayıb.
DİN-dən "Report"a daxil olan açıqlamada deyilir:
"2020-ci il fevral ayının 23-də Ağcabədi Rayon Polis Şöbəsinə rayon sakini, 1962-ci il təvəllüdlü Fəxrəndə İbrahimovanın yaşadığı evdə pilləkəndən düşərkən yıxılaraq ölməsi barədə məlumat daxil olub.
Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. İstintaq-əməliyyat tədbirləri nəticəsində qadının həmin gün saat 1 radələrində Yevlax rayon sakini Seymur Cəfərov tərəfindən boğularaq öldürülməsinə əsaslı şübhələr müəyyən edilib.
Polis əməkdaşlarının keçirdikləri əməliyyat tədbirləri ilə S.Cəfərov şübhəli şəxs qismində saxlanılaraq istintaqa təhvil verilib.
Faktla əlaqədar Cinayət Məcəlləsinin 120-ci (Qəsdən adam öldürmə) maddəsi ilə cinayət işi başlanılılıb.
Ağcabədi Rayon Prokurorluğu tərəfindən araşdırma aparılır".
Qeyd edək ki, Faxrəndə İbrahimovanın gəlini Əfsanə Cəfərova 1 fevral 2022-ci il tarixində “ARB” televiziya kanalının “Səni axtarıram” adlı verilişində qaynanasını itələməklə ölümünə səbəb olduğunu bildirmişdi.
Şərhlər
Bu cinayətin törədilməsində əxlaqsız qadın da iştirak edib.Odur ki,istintaq cinayətin törədilməsində iki və daha artıq adamın əlbir olmasını nəzərə almalıdır.
Axı,bu iş "qəsdən adam öldürmə" ilə bitmir.Həm də cani qadını xüsusi amansızlıqla boğaraq öldürmüşdür.Hasnsısa marağa görə cinayəti yüngülləşdirmək olmaz.Sovet dövründə hüquqşünaslar adam öldürmə və namus üstündə olan cinayətlərdə heç vaxt rüşvət almırdılar.Yüngülləşdirici hal deyilən əndrabadi üsullardan istifadə olunmurdu.