İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti "Veysəloğlu” MMC barədə antiinhisar qanunvericiliyini pozma əlamətləri üzrə iş qaldırıb.
"Report" bu barədə Dövlət Xidmətinə istinadən xəbər verir.
Məlumatda deyilir ki, ötən il dünyada baş vermiş qlobal qiymət artımı fonunda ölkəmizdə bir sıra ərzaq məhsullarının qiymətində dəyişiklik müşahidə edilir. Qiymət manipulyasiyalarının qarşısının alınması üçün Dövlət Xidməti bazarda antiinhisar qanunvericiliyinin tələblərinə əməl olunmasına nəzarət məqsədilə araşdırmalara başlayıb, yerli idxalçı müəssisələrə zəruri sənəd və məlumatların təqdim olunmasına dair sorğular göndərib.
Sorğulara əksər təsərrüfat subyektləri tərəfindən vaxtında cavab verilməsinə baxmayaraq, “Veysəloğlu” heç bir sənəd və məlumat təqdim etməyib. Bununla bağlı şirkət barədə antiinhisar qanunvericiliyinin pozulması əlamətləri üzrə iş qaldırılıb. İşə baxılması nəticəsindən asılı olaraq, təsərrüfat subyekti barədə qanunauyğun tədbir görüləcək.
Şərhlər
Buna şirkət yox MALBAZARI idarəsi deyilsə lap yerinə düşər.Çünki burada qohumbazlıq.yerlibazlıq,tayfabazlıq kimi prinsiplər qanunlaşdırılıb.Özlərindən olan bisavad.təcrübəsiz, adamlığı olmayan,adi yaz yaza bilməyənlər yüksək əmək haqqı , yüksək vəzifələrə təyin olunurlar,onlardan olmayanlar 12-13 saat ,300-400 manata işlədilir.Rəsmi olaraq müqavilədə minimal əmək haqqı göstərilir.Burada Əmək Məcəlləsi,Vergi Məcəlləsi,digər qanunlar işləmir.
Veysəloğlu”dan əlavə "əksər"ə aid olmayan təsərrüfat subyektləri hansılardı? Bütün siyahını, x.e.!