“Çin bazarı Rusiya üçün Qərbi əvəz edə bilməz”.
Bunu “Report”a ABŞ-ın Atlantik Şurasının böyük elmi işçisi, ABŞ-ın Azərbaycandakı keçmiş səfiri, beynəlxalq ekspert Metyu Brayza Qərb ölkələrinin Rusiyaya qarşı tətbiq etdiyi sanksiyaları şərh edərkən bildirib.
O deyib ki, Çin Rusiyanın iqtisadi boşluğunu doldurmağa hazırlıq nümayiş etdirmədi.
Onun sözlərinə görə, Rusiya iqtisadiyyatını dağıtmağa yönəlmiş sanksiyalar artıq dağıdıcı təsirini göstərir: “Rublun məzənnəsi kəskin şəkildə düşüb, Moskva fond bazarı məhv olmaqdadır, idxal qiymətləri çox yüksələcək, Rusiya sakinləri isə xarici valyutaya çıxış imkanından məhrum olacaqlar”.
Xatırladaq ki, Rusiya fevralın 24-də Ukraynaya qarşı hərbi əməliyyatlara başladıqdan sonra Avropa İttifaqı (Aİ) ölkələri Rusiyaya qarşı bir sıra sanksiyalar tətbiq edib. Bu sanksiyalara müəyyən Rusiya banklarının Ümumdünya Banklararası Maliyyə Telekommunikasiya Cəmiyyətindən (SWIFT) çıxarılması da daxildir. Bloklama sanksiyaları VTB, "Sovcombank", "Novikombank", "Otkritie Bank", "Promsvyazbank" və "Rossiya Bankı"na qarşı tətbiq edilib.
Hazırda bir sıra digər Rusiya banklarının SWIFT-dən çıxarılması məsələsi araşdırılır.
Sanksiyalar nəticəsində kəskin şəkildə ucuzlaşmış Rusiya rublunun ucuzlaşmaqda davam edəcəyi gözlənilir.
Şərhlər
Mence Putini yerinde oturtmaq,ruslara da bir ders vermek üçğn ınların iqtisadiyyatını ele bşr seviyyeye getirmek lazımdır ki bu iqtisadiyyatı dirçeltmek üçğn on iller lazım olsun.Bşr de ABŞ ve Avropa bir şeyi taddan çuxarıb.Rusiyanın idare eden qeyri rys milletinden olan ağıllı “Baş”lardır.Onlar müxtelif üsullarla ölkeden çuxarılsa Rysita heç vaxt ayaqda qala bilmez