Lerikdə torpaq sürüşməsi olub.
APA-nın cənub bürosunun verdiyi məlumata görə, hadisə bu gün günorta saatlarında baş verib. Rayonun Lərmərud kəndində baş verən hadisə nəticəsində bir ev tamamilə torpaq altında qalıb.
Kənd sakini, 1959-cu il təvəllüdlü Nəbulla Məmmədhüseyn oğlu Baxşıyevə məxsus birmərtəbəli 4 otaqlı ev, şəxsi təsərrüfat, iribuynuzlu heyvanlar üçün tikilmiş tövlə, 4 baş qaramal və 4 baş buzov tamamilə torpaq altında qalıb.
Hadisə zamanı evdə olan N.Baxşıyev ilə həyat yoldaşı xoşbəxtlikdən xəsarət almayıb.
Onlar hazırda qohumlarının evlərinə yerləşiblər.
Şərhlər
ƏN DƏHŞƏTLİSİ ODUR Kİ HEÇ KİM BU ALƏYƏ KÖMƏK ETMƏYƏCƏK. ONLARI SÜRÜM-SÜRÜM SÜRÜNDÜRÜB SONDA TƏHQİR EDİB QOVACAQLAR.