Qətərdə keçiriləcək futbol üzrə 2022-ci il dünya çempionatına Avropa zonasından son vəsiqənin sahibi müəyyənləşib.
"Report"un məlumatına görə, Uels yığması 64 ildən sonra bu hüquqa yiyələnib. Robert Peycin baş məşqçi olduğu kollektiv pley-off mərhələsinin final qarşılaşmasında Ukraynaya qalib gəlib - 1:0. 34-cü dəqiqədə Ukrayna millisinin futbolçusu Andrey Yarmolenko avtoqol müəllifi olub.
Uels millisi ilk və sonuncu dəfə 1958-ci il dünya çempionatında mübarizə aparıb. Həmin vaxt bu komandanın qarşısını 1/4 finalda Braziliya yığması 1:0 hesablı qələbə ilə kəsib.
Uels yığması futbol üzrə 2022-ci il dünya çempionatında B qrupuna düşüb.
Rəqiblər İngiltərə, İran, və ABŞ olacaq. DÇ-2022 21 noyabr - 18 dekabrda Qətərdə təşkil olunacaq.
Qeyd edək ki, DÇ-2022 21 noyabr - 18 dekabrda keçiriləcək.
Şərhlər