“İki ölkənin yaxın gələcəkdə münasibətlərini daha məhsuldar etməsi mümkün görünmür”.
“AzPolitika.info” xəbər veri ki, bunu Birləşmiş Ştatların Rusiyadakı səfiri Con Sallivan TASS xəbər agentliyinə müsahibəsində deyib.
“Rusiya və ABŞ-ın heç vaxt daha məhsuldar münasibəti olmayacağını deməyə tərəddüd edirəm. Bunun nə qədər çəkəcəyini deyə bilmirəm. İndiki atmosferdə bu baş vermir... Mənim ömrüm bunu görməyə yetməyəcək”, – Sallivan qeyd edib.
O əlavə edib ki, Prezident Co Bayden ABŞ-ın mövqeyini çox aydın ifadə edib: "Rusiya ilə münasibət əvvəlki kimi olmayacaq".
Səfirin sözlərinə görə, hər iki tərəfin, eləcə də Rusiyanın əsas müzakirə mövzusu o idi ki, ”soyuq müharibə”dən sonrakı dövrdə ABŞ-Rusiya münasibətləri aşağı həddə yuvarlanıb.
ABŞ və Rusiya bir-birinə qarşılıqlı sanksiyalar açıqlayanda və diplomatları çıxaranda Sallivan da ölkəsinə çağırılıb, iki ay sonra – 2021-ci ilin iyununda Moskvaya qayıdıb.
Sallivan deyir ki, münasibətlərdə böhrana baxmayaraq Rusiya Moskvadakı ABŞ səfirliyini bağlamamalıdır, dialoqun davam etməsindən ötrü kanallar açıq qalmalıdır: “Bir-birimizlə danışmaq qabiliyyətimizi saxlamalıyıq. Dünyanın iki ən böyük nüvə ölkəsinin bir-birinin səfirliklərini bağlaması səhv addım olar”.
Xatırladaq ki, Rusiya fevralın sonunda Ukraynaya hücuma başlayandan ABŞ-la münasibətlər Soyuq Müharibədən sonra ən aşağı həddə enib, ABŞ və Aİ Rusiyaya bir neçə raund sanksiya açıqlayıb.
“AzPolitika.info”
Şərhlər