"Koronavirusun yeni, daha təhlükəli ştammı ortaya çıxa bilər".
APA xəbər verir ki, bunu Cenevrədə keçirdiyi brifinqdə Ümumdünya Səhiyyə Təşkilatının (ÜST) baş direktoru Tedros Adhanom Qebreyesus deyib.
Təşkilat sədri dünyada koronavirus pandemiyasının bitdiyi ilə bağlı yanlış təsəvvürə diqqət çəkib.
“Pandemiyanın bitdiyi hissi başa düşüləndir. Lakin bu, yanlışdır. Hər an yeni və daha təhlükəli variant ortaya çıxa bilər. Çoxlu sayda insan isə müdafiəsiz qalır”, - deyə Qebreyesus bildirib.
Qebreyesus bildirib ki, dünyada COVID infeksiyasına yoluxma və ölüm hallarının sayı azalsa da ÜST ölkələri sayıq olmağa çağırır.
Ümumilikdə, tibb işçilərinin və 60 yaşdan yuxarı insanların demək olar ki, dörddə üçü koronavirusa qarşı peyvənd olunub, lakin aşağı gəlirli ölkələrdə bu rəqəm elə də yüksək deyil.
Şərhlər
Ay Gebreyesus,sən də lap zəhləmizi tökdün ee vallah.Adə bəsdi dəə.Qoysana yaşayaq.Onsuz da hamı bilir ki bu da quş qripi kimi fırıldaqdı.Bir abrın,həyan olsun da.Microsoftdan,Facebookdan-filandan sənə qret eliyirlər,başa düşdük də,qurtar da bu mənasız söz-söhbəti.