Müsavat başqanlığına sabiq namizəd, 27 sentyabr qurultayının nəticələrindən narazı qalan qrupun lideri Qubad İbadoğlu müsavatçılara müraciət edib və onları noyabrın 8-də Müsavat Partiyasının qərargahında görüşə dəvət edib.
Qubad İbadoğlu müraciətində bildirib ki, görüşün əsas məqsədi Müsavat Partiyasının hazırkı vəziyyətini müzakirə etmək və çıxış yolları axtarmaqdır.
Noyabrın 7-də Qubad İbadoğlu bununla bağlı “Media forum” saytının suallarını cavablandırıb.
- Görüşdə yeni təkliflər olacaq?
- Bəli, olacaq.
- Müsavat Partiyasının seçkili orqanlarında iştirak etməmək fikrində qalırsınızmı?
- Bəli.
- Görüşdə daha kimlər danışacaq?
- İştirakçıların hər birinə öz fikrini ifadə etmək imkanı yaradılacaq.
- Partiya rəhbərlərinin görüşdə iştirak edəcəyini gözləyirsinizmi?
- İstənilən müsavatçı görüşdə iştirak edə bilər.
- Sabiq başqan İsa Qəmbərlə görüşmüsünüzmü?
- Bəli, qurultaydan sonra bir dəfə görüşmüşük.
- Partiya rəhbərliyi ilə barışıq yolu varmı?
- Partiyada hər kəslə münasibətim normal səviyyədədir, buna görə də barışığa zərurət qalmır. Sadəcə, partiyanın idarəçiliyinə və kursuna münasibətdə fikir ayrılığı mövcuddur və görüşdə bunları həll etməyə çalışacağıq.
Şərhlər