Azərbaycanda “Aİ-95” premium markalı benzinin qiymətində dəyişiklik edilib.
"Report" xəbər verir ki, “Aİ-95” premium markalı benzin 0,4 manat bahalaşıb və yeni satış qiyməti 2 manat təşkil edəcək.
Buna qədər litri 1,6 manatdan satılan benzinin qiymətinin artmasına səbəb isə dünya bazarlarında müşahidə olunan qiymət artımıdır. Belə ki, “Aİ-95” premium markalı benzin ölkəmizdə istehsal olunmadığı üçün xaricdən idxal edilir. Məhsulun idxal dəyərinin artması onun ölkəmizdəki satış qiymətlərinin də artmasına səbəb olub.
Ümumiyyətlə, “Aİ-95” markalı benzinin qiyməti qlobal bazarlardakı neft qiymətlərindən birbaşa olaraq asılıdır. Misal olaraq, qiymətlərdəki 2020-ci ilin martın 13-də qeydə alınan azalmanı göstərə bilərik. Həmin vaxt “Aİ-95” premium markalı benzin dünyadakı neft qiymətləri fonunda ölkəmizdə 1,5 manatdan 1,2 manata qədər (20 faiz) ucuzlaşmışdı.
Lakin hazırda dünya bazarında neft qiymətlərinin 50 dollar səviyyəsindən 100 dollardan daha artıq dəyərə qədər yüksəldiyini nəzərə aldıqda, “Aİ-95” premium markalı benzinin qiymətindəki artımın qaçılmaz olduğu anlaşılır.
Qeyd edək ki, dünya ölkələrində Aİ-95 markalı benzinin satış qiyməti ölkəmizlə nisbətdə olduqca yüksəkdir. Üstəlik, hətta Azərbaycandakı müvafiq qiymət artımından sonra belə əksər ölkələrlə müqayisədə Azərbaycanda “Aİ-95”in qiyməti olduqca məqbul hesab oluna bilər.
Məsələn, qonşu Gürcüstanda “Aİ-95” markalı benzinin qiyməti müvafiq olaraq 1,34 ABŞ dolları (2,27 manat) təşkil edir. Daha bir qonşumuz olan Türkiyədə isə sözügedən qiymət 1,46 dollara (2,48 manat) bərabərdir. Azərbaycanda “Aİ-95” Premium markalı benzinin yeni qiyməti Avropa ölkələrindəki qiymətdən də kifayət qədər aşağıdır. Məsələn, cənub-şərqi Avropa ölkəsi Rumıniyada bu rəqəm müvafiq olaraq 1,68 dollar (2,85 manat), qərbi Avropa ölkəsi olan İsveçrədə isə 2,36 dollara (4,01 manat) çatır.
“Aİ-95” premium markalı benzinin bahalaşmasının Azərbaycan əhalisinə təsiri isə minimum həddə olacaq. Belə ki, ölkəmizdə sözügedən markalı benzin yalnız lüks avtomobillər tərəfindən istifadə olunur. Azərbaycanda istehlak olunan benzin markaları arasında “Aİ-95” premium markalı benzinin payı cüzidir. Ölkəmizdə əsasən “Aİ-92” və dizel markalı yanacaqdan istifadə olunur.
Beləliklə, xüsusən vurğulamaq lazımdır ki, Azərbaycanda kütləvi şəkildə istifadə olunan Aİ-92 markalı benzinin qiymətində heç bir dəyişiklik edilməyib. Yaxın vaxtlarda da sözügedən markalı benzinin qiymətində hər hansı bir artımın olması gözlənilmir.
Şərhlər
Mûqayise etdiyiniz bu ôlkelerin hec birinde , neft cixmir ! Bu ne yanashmadi , ele salirsiz ?
Siz saydığıvız ölkələrdə yaşayış minimumundan danışın sonra benzinin qiymətini müqayisə edin
Aİ-95 markalı benzini biz istehsal etsək qoymayacaqlarmı?Əlimizi tutacaqlarmı?Zavodumuzu bağlayacaqlarmı?Nədir problem yəni?Həm də Gürcüstan və Türkiyədə neft çıxmır,oralarda baha olmalıdı təbii ki.Rumıniyada neft çıxsa da vahid Avropa qiymətinə görə bahadı.Biz ki Avropanın üzvü deyilik.Venesuelada,Qazaxıstanda,Türkmənistanda,İranda,Ərəb ölkələrində neçəyədi Aİ-95,ondan danış.
Buna Xalqı nəzərə almlıq deyərlər.
Əsas odur qiymət “ 25 % qalxmayıb”! Dəyişib. Rövnəq Abdullayev qiyməti qaldırırdı, indiki rəhbər isə dəyişir.
Həmişə xalq deyən düz çıxır....Bu bahalıq Putinin payına oxşayır.
Mûqayise etdiyiniz bu ôlkelerin hec birinde , neft cixmir ! Bu ne yanashmadi , ele salirsiz ?
Isvecrede maash bilirsiz ne qederdi? Oraynan burani ferqlendirmek , en azinnan biyabrciliqdi !
Hələ utanmaz-utanmaz bu məlumatı bu cür dərc edirsiniz?!
düsende niye salmadiniz bes???? dört dollara satilirdi niye salmirdiniz onda???
Sebeb kimi dunya bazarinda neftin qiymetini qalxmagi gosterilir.neftin qiymeti 30 dollardan da asagi dusende amma premium benzinin qiymeti dusmedi
Girsin gozunuze. Istehsal elesinde cani cixir Socarin..
Siz avropadakı maaş,həyat səviyyəsindən də yazın.Tək benzin qiymətlərindən yox,Yazın bilək Avropada maaşlar,pensiyalar nə qədərdir.Qaldı bizim ölkə neft ixrac edir.Olmaz ki nefti 95 benzinlə barter etsinlər ucuz gəlsin onsuz da biz xalq olaraq avtobusla hərəkət edirik.Heç olmazsa o benzini işlədənlər korluq çəkməsin.