İsrailin Azərbaycandakı səfiri Corc Dik Azərbaycanın qədim şəhəri Təbrizin tarixindən bəhs edən "Təbrizin sehrli nağılları" kitabı ilə paylaşım edib.

"AzPolitika.info" xəbər verir ki, səfir "tvitter"-də bunları yazıb: "Bu yaxınlarda mənə armağan edilən bu möhtəşəm kitabda Təbrizdə Azərbaycan tarixi və mədəniyyəti haqqında çox şey öyrənirəm. Bu günlərdə nə oxuyursunuz?"

Qeyd edək ki, "Təbrizin sehrli nağılları" dünya incəsənəti tarixində özünəməxsus yer tutan, Orta və Yaxın Şərq xalqları incəsənətinin maraqlı və zəngin bir hissəsi olan Azərbaycan miniatür sənətindən bəhs edir.

İranın Azərbaycandakı səfiri Abbas Musəvi İsrailin Azərbaycandakı səfiri Corc Dikin tvitinə diplomatik etiketə yaraşmayan tərzdə cavab verib.

“Bu macəraçı oğlancığazın məlumatı üçün: Bizim əziz Təbrizimiz İranın qürurlu tarixində ilklər diyarı kimi tanınır. Görünür, ilk şər sionisti də qeyrətli Təbriz camaatı dəfn edəcək. Qırmızı xəttimizi heç vaxt keçmə, heç vaxt!”, - A.Musəvi Tviterdə İsrail səfirini təhdid edib.

Qeyd edək ki, ki, səfirin cavabı sosial şəbəkə istifadəçiləri tərəfindən də sərt tənqid olunub.

"AzPolitika.info"