“Taxıl daşınması üzrə koordinasiya mərkəzi İstanbulda işinə başlayıb” - Akar

Dünən imzalanan “Taxıl daşınması sazişi”nə əsasən İstanbulda qurulan Müştərək Koordinasiya Mərkəzinin fəaliyyətə başlaması üçün işlər yekunlaşıb.

APA-nın İstanbul müxbirinin verdiyi xəbərə görə, bu barədə Türkiyə milli müdafiə naziri Hulusi Akar deyib.

O qeyd edib ki, Rusiya və Ukrayna nümayəndələri, o cümlədən BMT nümayəndəsi hazırda Türkiyə ilə Müştərək Koordinasiya Mərkəzində işə başlayıb.