Bu gün milli azadlıq hərəkatının lideri, Azərbaycan Respublikasının ikinci Prezidenti (1992-1993) Əbülfəz Elçibəyin anım günüdür.
Ə.Elçibəy 1938-ci il iyunun 24-də Ordubad rayonunun Kələki kəndində anadan olub. 1957-ci ildə Azərbaycan Dövlət Universitetinin Şərqşünaslıq fakültəsinin ərəb filologiyası şöbəsinə daxil olub. 1962-ci ildə universiteti bitirərək, təyinatla SSRİ Hidrolayihə İnstitutunun Bakı şöbəsində tərcüməçi işləyib. 1963-cü ilin yanvarında Misir Ərəb Respublikasına göndərilən Əbülfəz Elçibəy, 1964-cü ilin okyabrına kimi Asuan bəndinin tikintisində tərcüməçi kimi çalışıb. Xarici ezamiyyətdən dönərək, 1965-ci ildə ADU-nun aspiranturasına daxil olub və aspirantura təhsilini 1968-ci ildə uğurla tamamlayıb.
Ə.Elçibəy 80-ci illərin sonlarında Azərbaycanda başlayan milli azadlıq hərəkatının rəhbərlərindən, Azərbaycan Xalq Cəbhəsinin qurucularından biri olub.
1992-ci ildə Azərbaycan Respublikasının Prezidenti seçilən Ə.Elçibəy 1 il sonra Gəncə hadisələri ilə əlaqədar paytaxtı tərk edərək, Kələki kəndinə gedib.
Daha sonra siyasi fəaliyyətini Azərbaycan Xalq Cəbhəsi Partiyasının sədri kimi davam etdirib.
Xərçəng xəstəliyindən əziyyət çəkən Ə.Elçibəy 2000-ci il avqustun 22-də 62 yaşında Türkiyənin Gülhanə Hərbi Tibbi Akademiyasında vəfat edib. O, Fəxri xiyabanda dəfn olunub.
Allah rəhmət eləsin.
"AzPolitika.info"
Şərhlər
Allah Ebülfez Elçibeye qeni qeni rehmet eylesin ,mekanı Cennet Ruhu şad olsun!Amin Bey Böyük İnsan ve Kişi adam idi.
Bu kişi rəhmətini sağlıııığında qazanıb!!!
Bu dünyaya bir "İnsan-Dövlət adamı-Şəxsiyyət" adını yazdın BƏYim! "Uzaqda bir yol"u daim xatırlayıb bu yolu getməyi əmanət etsin. Bizlərə düşən ömür payında nə Sizi nə də dediklərinizi unutmarıq! Allah məzarını nurlu etsin. İNŞALLAH.