“Rusiya xüsusi xidmət orqanları Rusiyada bir sıra terror aktları hazırlayır. Duqinada onlardan biri idi. Rusiya bu terror hadisələri ilə ümumi səfərbərliyə haqq qazandırmağa və ölkədə anti-Ukrayna isteriyasını qızışdırmağa çalışır”.
“AzPolitika.info” xəbər verir ki, bunu Ukrayna Milli Təhlükəsizlik və Müdafiə Şurasının katibi Aleksey Danilov öz “Twitter” səhifəsində yazıb.
O qeyd edib ki, “Putinin ideoloqu” Aleksandr Duqinin qızının avtomobilinin partladılması terror aktlarını başladacaq ilk hadisə olub: “Ukraynanın rus təbliğatçısının qızının ölümündə heç bir günahı yoxdur. Çünki Ukrayna mülki vətəndaşları öldürmür. Bu cür işlərlə Rusiya məşğul olur. Kremlin ictimai səfərbərliyə ehtiyacı var. Ona görə də “FSB”-nin Rusiya şəhərlərində dinc əhali arasında kütləvi tələfata səbəb olacaq silsilə terror aktları təşkil edəcəyi gözləniləndir”.
“AzPolitika.info”
Şərhlər
Bu terakt FTX peşəkarların işidir.İkinci Çeçen müharibəsini başlamaq üçün Moskvada bir neçə binada partlayış törətmişdilər.Günahı çeçenlərin üstünə atmışdılar.Yəqin ki yenə nə isə bir planları var.