Xəbər verdiyimiz kimi, “Tərtər işi”ndə hərbçi Təmkin Nizamioğlunun da işgəncələr nəticəsində öldüyü istintaq tərəfindən sübuta yetirilib. Belə ki, onun meyiti ekshumasiya edilib və keçirilmiş məhkəmə-tibbi ekspertizasının rəyi ilə bu hal təsdiq olunub.
Leytenant Təmkin Nizamioğlu Tərtərdə N saylı hərbi hissədə çalışıb. Aprel döyüşlərinin iştirakçısı olub.
Təmkinin işgəncəyə məruz qalmasına gəlincə, bu, onun təlimdə olduğu baş verib. Belə ki, zabit təlimdən çağırılaraq Şırxarx qəsəbəsinə gətirilib və burada ona işgəncə edilib.
2017-ci ilin mayın 15-də isə ailəsinə Təmkinin öldüyü, cənazəsinin Ordubada göndərildiyi deyilib.
Bu zaman Təmkinin atası Nizami Quliyev dağda olub. O, yolda olduğunu, bir-iki saata evə çatacağını bildirib.
Buna baxmayaraq, Təmkinin atasını gözləməyiblər və hərbçini valideyninin iştirakı olmadan Ordubadın Darkənd kəndində dəfn ediblər. Ümumiyyətlə, dəfn prosesində tabutun açılmasına icazə verilməyib. Tabutun üzərində isə Təmkinin ürək çatışmazlığından vəfat etdiyi qeyd olunub.
Ailənin müraciətlərindən sonra isə Təmkin Nizamioğlunun pnevmaniya – kəskin ağciyər çatışmazlığından ölməsi haqda tibbi rəy verilib.
Qeyd edək ki, 2022-ci ilin mayın 11-də Təmkin Nizamioğlunun meyiti ekshumasiya olunub. Dövlət qurumlarının iştirakı ilə məzar açılan zaman, bədənin müxtəlif nahiyələrində sınıqlar aşkarlanıb. Onun küt alətlə döyüldüyü müəyyənləşdirilib. Maraqlıdısı və təəccüblüsü budur ki, hadisədən 5 il keçsə də, kəfən çürüsə də, Təmkinin nəşi çürüməyib, əzaları yerində olub. Bunun Təmkin Nizamioğlunun atası da təsdiqləyib. (Qafqazinfo)
Şərhlər
Təmkin Nizamioğlunun nəşi əsl şəhid olduğu üçün çürüməyib. Allah Azzə və Cəllə ona rəhmət eləsin, zalımların belini qırsın, onlara lənət eləsin. Şəhidlər ölməz, Vətən bölünməz!
"Maraqlıdısı və təəccüblüsü budur ki, hadisədən 5 il keçsə də, kəfən çürüsə də, Təmkinin nəşi çürüməyib, əzaları yerində olub. Bunun Təmkin Nizamioğlunun atası da təsdiqləyib. " Burada təəccüblənəcək heç nə yoxdur. ALLAH bu günahsız şəhidə rəhmət eləsin!!! Şəhid bədəni çürüməz!!! Əgər bu zülm yerdə qalsa, ört-basdır edilsə, onda ALLAH bizə heç vaxt rəhm eləməz!!! Ey müsəlmanlar, dua edin...!!!
NƏCİMƏDDİNİN ADINI ÇƏKƏN YOXDUR. BU MİLLƏTİN QANINI ERMƏNİ KİMİ İÇƏNLƏRİN!
Azerbaycan Ordusunda olmuş ve bu gün de xidmet edenbu milletin düşmenleri-rusa ve ermeniye cidmet edenler bir bşr tapılmalı ,onlara en ağır cezalar verilmeli onların kökğ qazılmalı ve kesilmelidir.Bunu bizden günahsız yere helak ölmuş esger ve zabitletimizin narahat ruhları teleb edir.....
Bu Tərtər işi bizim böyük biabırçılıqdır. Rəzalətdir. Xainlikdir.