ERMƏNİSTAN YENİDƏN SİLAHLI TOQQUŞMAYA CƏHD EDİR - Üç hərbçimiz yaralandı

Ermənistan tərəfindən açılan atəş nəticəsində Azərbaycanın üç hərbçisi yaralanıb. Bu barədə Müdafiə Nazirliyindən məlumat verilib.

Bildirilib ki, sentyabrın 23-ü saat 19:30-dan saat 23:40-dək Ermənistan silahlı qüvvələrinin bölmələri Basarkeçər rayonunun Yuxarı Şorca və Cermuk yaşayış məntəqələri istiqamətindəki mövqelərindən Azərbaycan Ordusunun Kəlbəcər rayonunun İstisu və Zəylik yaşayış məntəqələri istiqamətində yerləşən mövqelərini müxtəlif çaplı atıcı silahlardan fasilələrlə atəşə tutub.

Atəş nəticəsində Azərbaycan Ordusunun hərbi qulluqçuları Əmənullayev Rəşad Ağacan oğlu, Rəhimzadə Ruhid Oktay oğlu və Cavadov Rəvan Şəmsəddin oğlu yaralanıb.

Yaralı hərbi qulluqçularımıza dərhal ilkin tibbi yardım göstərilib. Onların həyatı üçün heç bir təhlükə yoxdur.

Azərbaycan Ordusunun qeyd olunan istiqamətlərdə dislokasiya olunan bölmələri tərəfindən adekvat cavab tədbirləri görülüb.

"Bildiririk ki, baş vermiş insidentə görə bütün məsuliyyət vəziyyəti məqsədyönlü şəkildə gərginləşdirməyə çalışan Ermənistanın hərbi-siyasi rəhbərliyinin üzərinə düşür", - nazirliyin məlumatında qeyd edilib.

635x100

Şərhlər

Müəllif və müəlliməB.Qarabağlı 2022-09-24 12:33:26

İddia, Münaqişə, Təxribat adlandırılan erməni-daşnaq aksiyası 1987ci ildən de fakto, 14.06.1988 tarixdən rəsmi fərmanla ermənilərin və Ermənistanın azərbaycanlılara və Azərbaycan dövlətinə qarşı xarici güclərin dəstəyinə arxayın davam etdirilən tarixin ən vəhşi soyqırım cinayətidir. Cinayətə əmr və dəstək verənlər mühakimə edilməyənə qədər də davam ehtimalı qətidir!?

Müəllim 2022-09-24 10:31:08

Allah yaralı hərbiçilərimizə şəfa versin Amin Allah Düşmən ölmədikcə qəlbim sevinməz

Son yazılar